TOEFL (Test of English as a Foreign Language) a l'é na preuva d'esam fàit da jë student (nen ëd mare lenga anglèisa) për conòsse cole ch'a son soe cognission ëd la lenga anglèisa. La preuva a dura an tut 60 minute. Ël TOEFL a l'é ciamà da 'd colege e d'università anté che tuti ij cors a son an anglèis, ma a son ëdcò ciamà da j'asiende.
J'esam
Al di d'ancheuj a-i son tre tipo d'esam: PBT (Paper Based Test) CB (Computer Based Test) IBT (Internet Based test) La version pì ciamà a l'é la IBT.
Reading
As trata 'd lese tre tòch assè longh d'apopré 600/700 paròle e 'd repliché a 'd domande dzora lòn che a l'é stàit lesù e dzortut ansima:
Stated detail Inferences Sentence insertion Vocabulary Overall ideas An tut a-i son 39 domande e la session a dura 60 minute.
Listening
Lë student candidà a l'ha da studié ses tòch e peui repliché a dle domande che a l'han mach na rispòsta giusta. A-i son doe ciaramlade tra jë student e quat leture e peui 'd debat dzora d'argoment académich.
Jë student a l'han da capì coj ch'a son j'element prinsipaj. An tut a-i son 34 domande e la session a dura 60 minute.
Speaking
A-i son doe part: ant l′Independent Task lë student a réplica a doe domande dzora d'afé përsonaj; ant l′Integrated Task lë student a scota doi tòch registrà an disend cola ch'a l'é soa opiniona e peui a les, a scota e a spiega àutri doi tòch.
An tut a-i son 6 domande e la session a dura 20 minute.
Writing
Costa part ëd l'esam a veul mostré l'abilità dlë student a scrive. A-i son doe domande e la session a dura 60 minute.
Categorìa:Lenghìstica