Filòsof analìtich dla siensa e dl'art. Henry Nelson Goodman a l'era nassù a Somerville, Massachusetts, ël 7 d'ost dël 1906 e a l'é mòrt a Needham, Massachusetts, ël 25 ëd novèmber dël 1998. A l'é laoreasse a Harvard dël 1928 e a l'ha pijà ël dotorà, sempe a Harvard, dël 1941; antrames a l'avìa fàit ël comersant d'art. A l'ha mostrà filosofìa a Tufts, l'Università ëd Pennsylvania, Brandeis e Harvard. A Harvard a l'ha fondà Project Zero, un programa anterdissiplinar d'arserca an estética. A l'é stàit vice-pressident dl'Association for Symbolic Logic dal 1950 al 1952 e pressident dla division oriental dl'American Philosophical Association ant ël 1967. A l'era marià con l'artista Katharine Sturgis, fin-a a la mòrt ëd chila, dël 1996.
Euvre prinsipaj The structure of appearance (1951, tersa edission dël 1977) Fact, fiction, and forecast (1954, quarta edission dël 1983) Languages of art (1968, sconda edission dël 1976) Problems and projects (1972) Ways of worldmaking (1978) Of mind and other matters (1984) (con Catherine Elgin) Reconceptions in philosophy and other arts and sciences (1988)
Goodman, Nelson