Tetrax tetrax Descrission Àutri nòm an piemontèis: galin-a pratajòla, ota minòra, strèpet . Ël Tetrax tetrax (galin-a pratajeula) a l'é l'ùnich mèmber dël géner Tetrax e la pì cita dle palateàrtide . A l'ha na longhëssa ëd 42-45 cm, n'overtura ëd 90-115 cm e a pèisa an tra 700 e 950 gram . An vol, j'ale longhe a l'han na gròssa fassa bianca .
Ël mas-cc an época 'd riprodussion a l'ha la testa grisa, ël còl nèir con doe bande bianche, ël dors brin macià 'd nèir e la pansa bianca. La quarta piuma primaria a l'é strèita e a produv un subi caraterìstich an vol . La fumela e ij mas-cc nen riprodutiv a l'han pa 'l còl nèir; la fumela a l'ha la pansa pì sombra e macià . Tùit e doi a son ëd sòlit ciuto, ma 'l mas-cc a fà un prrt raucc për la parada .
Ambient A viv ant le praterie sëcche, le stëppe e le coltivassion estensive (gran, erba médica), con vegetasson àuta basta da stërmesse . A camin-a adasi e, s'a l'é dësturbà, a cor pitòst che volé . A l'ha 'd costuma gregaria, dzortut d'invern . Onivor: as nutriss ëd smens, gëmme, erbe, e d'invertebrà.
Distribussion A nidìfìca an Euròpa meridional (Spagna, Fransa, Italia) e Asia ossidental e sentral . La metà dla popolassion mondial a viv ant la penìsola ibérica . Le popolassion dël sud a son stansiaj, cole dël nòrd a migro vers l'Àfrica dël Nòrd o l'Asia sud-ossidental .
An Italia, a nidìfìca dzortut an Sardëgna (tersa popolassion d'Euròpa, anviron 2.000 esemplar) e an Pulia (Gargan, Salent) . A l'é raira an Piemont e as peul vëdde mach ëd passagi . L'habitat a l'é tra 0 e 500 méter .
Conservassion A l'é Near Threatened (IUCN) për la përdita d'ambient . An Italia a l'é protegiùa da la L.R. 23/1998 dla Sardëgna e da la Diretiva 79/409/CEE .
Arferiment bibliogràfich për chi a veul fé dj'arserche pì ancreuse
Tetrax tetrax (Linnaeus, 1758)
Categorìa:Tetrax