thumb|right thumb|right
Hoplopterus spinosus Descrission L'Hoplopterus spinosus (pavonëtta armà) a l'é n'osel limìcol ëd la famija dij Charadriidae, longh 25-27 cm, con na massa d'anviron 150 gram. A l'ha na livrea pitòst vistosa: la front, la coron-a e 'l cupiss a son nèire; la part sota l'euj e 'l còl a son bianch, con na larga riga nèira ch'a part dal bech e a traversa la gola e 'l pét. La schin-a e j'ale a son gris giaunastr; la coa e la ponta dle piume primarie a son nèire, mentre la gropera a l'é bianca. An vòl, a mostra un gròss panel bianch an sle part anterior dj'ale . Ël bech e le piòte a son nèir . A l'é ciamà "armà" përchè a l'ha në speron a la piega dl'ala, dovrà për la difèisa . Ij giovo a smijo a j'adult ma con le part superior pì ciàire e bordà .
Ambient A viv ant le zone ùmide d'eva bassa, dzortut ant le marne costiere, le risere e ij teren agrìcoj davzin a l'eva . A mangia dzortut inset e d'àutri invertebrà, ciapà a tèra apress pòchi pass lest. A fà 'l nil an sla tèra, an na ciàpola, e a duverta 4 euv . A l'é conossù për sò crij tìpich, un fòrt "zik-zik-zik" .
Distribussion A l'é spantià ant l'Àfrica subsaharian-a, ant ël Méditerani Oriental e ant l'Àsia sud-ossidental fin a l'Iran . Le popolassion dla Grecia e dla Turchìa a son migratris, mentre j'àutre a son resident . A l'é an declin ant la part setentrional ëd sò areal, ma motobin comun ant l'Àfrica tropical . A l'é classificà "Arzigh Mìnim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Hoplopterus spinosus L., 1758
Categorìa:Hoplopterus Categorìa:Pavonëtte