thumb|right thumb|right|Ël piumagi dël prim invern
Larus glaucoides Descrission Ël Larus glaucoides (gabian d'Islànda) a l'é un gabian ëd taja media, longh 50-64 cm, con n'aliura ëd 115-150 cm e un pèis ëd 480-1.100 g. A l'é pì cit e sutil dël Larus hyperboreus e a l'ha 'l bech pì curt. L'adult a l'ha le part superior (mantel e ale) gris ciàir, e 'l rest dël piumagi tut bianch. J'ale a l'han la ponta bianca (sensa melanin-a ant le primarie). L'anel orbital a l'é ross, e 'l bech a l'é giaun con na macia rossa an sla mandibola inferior. Le piòte a son reusa. A riva a la madurità dël piumagi a quatr agn. Ij giovo dël prim ann a l'han un piumagi tut crema ciàir, con ël bech tut nèir. A l'é motobin silensios; sò crij a smija a col dël gabian real ma pì àut.
Ambient A nidìfica an colònie an sle scojere e le ròche a strapiomb, ant le region àrtiche dël Canadà e dla Groenlandia. D'invern a migra vers sud, e as treuva ant le zòne costiere, ant j' estuari, ij pòrt e 'dcò ant ij lagh e le dëscarie. A mangia pess, mòlusch, crostassé, carògne, euv e cit d'àutri osej, e d'istà 'dcò frut. A l'é n'osel ràir an Euròpa (fòra che quàich invernà pì bondosa), e a l'é considerà na rarità an Italia.
Distribussion A nidìfica an Groenlandia e ant l'Àrtich canadèis. A passa l'invern dzortut an sle còste dl'América dël Nòrd (fin-a a Virginia e al Lagh Michigan) e, an pì cit nùmer, ant l'Euròpa nòrd-ossidental (Islanda, Norvegia, Scòssia). An Spagna e Portugal a l'é considerà 'n visitator invernal motobin ràir, con ëd cite irussion. A l'é classificà "Arzigh Mìnim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Larus glaucoides Meyer, B, 1822
Categorìa:Larus Categorìa:Muliné