thumb|right|Un mas-cc thumb|right|Na cobia 'd fomele
Histrionicus histrionicus Descrission L’Histrionicus histrionicus (ania arlechin) a l'é na cita ania marin-a, l'ùnica specie dël géner Histrionicus. A ciapa sò nòm da Arlechin (an fransèis Arlequin), për sò piumagi colorà. Ël mas-cc a l'é gris-bleu sombr, con ij fianch castan e 'd maciòte bianche e nèire an sla testa, an sël còl e an sël pét, che a-j dan n'aspet motobin arlechinà. An vòl a mostra në specc metalisà bleu e 'd bianch. A l'é longh 38-53 cm e a peisa anviron 600 g. La fumela a l'é brun sombr, con doe o tre maciòte bianche an sla testa, e a manca dël bianch an sj'ale. A viv an cobie monògame e a peul rivé a 12-14 agn.
Ambient D'istà a viv an sle corent frèide e leste dij torent e le cascà ant le montagne, dal livel dël mar fin a 3.352 méter. A nidìfica an sla tèra, stërmà ant la vegetassion davzin a l'eva, e a duverta 4-8 euv. D'invern a migra an sle còste rocose, andova as alimenta an novand për ciapé mòlusch, crostassé e inset aquàtich. A l'é un migrant a curta distansa.
Distribussion A l'ha n'areal disgiunt ant l'emisfer setentrional: a nidìfica an Islanda, Groenlandia, Canada e Stat Unì (nòrd-ossident e nòrd-est), e ant l'estrem orient dla Russia. A passa l'invern an sle còste dël Passìfich (fin al Giapon e a la Califòrnia) e dl'Atlàntich (fin al Long Island). A l'é ràir an Euròpa ossidental. La popolassion atlàntica a l'é an declin e a l'é considerà an perìcol për la perdita d'habitat (proget idroelétrich) e j'inquinament da petròli. A l'é classificà "Arzigh Mìnim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Histrionicus histrionicus Lesson, 1828
Categorìa:Histrionicus Categorìa:Anie