La Provincia ëd Coni a së spantia ant ël setor sud-ossidental dël Piemont. A comprend 250 comun e a conta 592.303 abitant. A l'ha na surfassa ëd 6.903 km² e a l'é për estension la prima provincia dël Piemont: për lòn a l'è ciamà Provincia Granda. Sò capleugh a l'é Coni. Con j'àutre ses sità pì gròsse (Alba, Bra, Savijan, Fossan, Salusse e Mondvì) a forma 'l 'Set seuri'.
Geografìa A confin-a a òvest con la Fransa, a nòrd con la Sità metropolitan-a 'd Turin, a est con la provincia d'Ast, a sud con la Liguria (provinse d'Imperia e Savon-a). Ant sò teritòri a scoro ij fium: Pò, Vràita, Màira, Grana, Stura, Gess, Vermenagna, Pes, Tane, Bormia e Belb. Soa montagna pì àuta a l'é 'l Viso, 3841 méter.
Stòria La Provincia ëd Coni a l'è stàita istituìa con ël Decret Real n. 3702 dël 23 d'otòber dël 1859 (l'ansidita Lej Ratass).
Aministrassion Ël President dla Provincia a l'è Federico Borgna (Sindich 'd Coni) Anliure esterne Sit istitussional
Categorìa:Geografìa piemontèisa