thumb|right thumb|right thumb|right|La scòrsa
L'arbra nèira: Populus nigra
Descrission L'arbra nèira a l'é na pianta ch'a riva a 30-35 m, con ël bion massiss caraterisà da gròsse gnòche. Le gëmme a son piate e verd ciàir, le feuje a luso e a l'han ij bòrd ciàir. Le piante a peulo esse mas-cc, e alora an avril a fan dle fior (gate) ross ciàir, ò pura fumele, e alora a fan dle gate pì longhe e con le fior pì ràire.
Distribussion L'arbra nèira a l'é bastansa ràira e a l'é pì bel fé trové ij sò ìbrid. A chërs arlongh aj cors d'eva an tuta Euròpa.
Varietà La varietà italica (che an piemontèis i ciamoma arbra pin-a) a l'é sempe un mas-cc e a ven dovrà per fé dij longh filagn ornamentaj.
Notissie Ij sò ìbrid a son motobin coltivà coma bòsch da industria.
Arferiment bibliogràfich për chi a veul fé dj'arserche pì ancreuse Populus nigra L.
Categorìa:Botànica