thumb|right|200px|Ij Fransèis a passo 'l Pò a Piasensa, 7 ëd magg dël 1796 Topògraf e pitor. Giuseppe Pietro Bagetti a l'era nassù a Turin ai 14 d'avril dël 1764 e a l'é mòrt ambelelà ai 29 d'avril dël 1831.
A l'era dedicasse a lë studi dl'architetura e dla pitura sota la guida dl'aquarelista Pietro Palmieri. Dël 1792 a l'é ancarià ëd mostré 'l dissegn topogràfich a la Real Academia dij Nòbij. Ant ël 1793 a l'é nominà da Vitòrio Medeo III dissegnator real e con ël gré 'd capitani a va da press a l'armada a Nissa Marìtima e a Tolon ancarià ëd dissegné dal viv ij combatiment contra ij fransèis, ëd na fasson realìstica e sensa retòrica. Dël 1797 a l'é magìster ëd dissegn topogràfich ant ël Còrp Real d'Artijerìa.
L'ocupassion fransèisa Apress l'anession dël Piemont a la Fransa dël 1801, Bagetti a fa part con ël gré 'd capitani dissegnator dël còrp dj'Anginié geògraf. Dël 1803 a l'é ancarià d'arpresenté le bataje 'd Napoleon ëd le campagne 1796-97 e 1800 an na serie d'aquarele ch'a dan l'andi a 'd giudissi polémich, fin-a a acuselo d'esse un piemontèis arnegà. Ant j'agn 1803 e 1806 a l'é an sij camp ëd bataja 'd Napoleon e a realisa 76 aquarele conservà al Musé Stòrich ëd Versailles. A l'é mandà a fé d'arlevament dij camp ëd bataja d'Ulm e Austerlitz. Dël 1811 a arpresenta an na granda pitura con vista da l'àut le zòne dle bataje napoleòniche an Italia e dël 1812 a partissipa a la campagna 'd Russia. A ven decorà dla Legion d'Onor.
La Restaurassion Apress la Restaurassion a l'é ancarià da re Vitòrio Emanuel I ëd realisé na serie d'aquarele an sle bataje dla stòria ëd ca Savòja. Ansegnant ëd dissegn topogràfich a la Real Academia Militar, a l'é nominà da Carl Felis a la càtedra d'aquarelista a l'Academia dle Bele Art.
An dzorpì che a Versailles, sò dissegn e aquarele a son conservà al Musé Cìvich ëd Turin e a la Biblioteca Real.
Bagetti, Giuseppe Pietro Bagetti, Giuseppe Pietro