Un pissacan: l'Amanita porphyria
Descrission Capel fin a 8 cm., mes sférich peui disteis bombà, gris con rifless viòla o porpra, fibrilos radialment, con dij ràir tòch ëd vel gris brunastr. Lamele s-ciasse, bianche o grisastr ciàir. Gamba àuta fin a 12 cm. e larga fin a 2 cm., slansà, silìndrica, con na siola marginà, da biancastra a lavà ëd gris viòla, ambrunenta. Anel gris, a dròca an pressa. Odor ëd patata.
Ambient A chërs ant ij bòsch.
Comestibilità
A l'é nen comestìbil.
Arferiment bibliogràfich për chi a veul fé dj'arserche pì ancreuse Amanita porphyria (A. & S. : Fr.) Mlady
Categorìa:Pissacan Categorìa:Amanita