miniatura|sinistra Hyères (Iero an lenga local) a l'é na comun-a ëd 53700 abitant ant ël Var. A resta a 18 chilòmeter a l'est ëd Tolon.
Leu d'anteresse La tor dij templar, dël sécol ch'a fa XII, an piassa Massillon La colegià ëd San Pàul La cesa ëd San Luis Vila Noailles Musé munissipal Ël sit archeològich d'Olbia
Parch e giardin Giardin Olbius-Riquier: creà dël 1872, soe 650 are a conten-o, al duvert o an dle sere, dj'esemplar dla flòra mediterania, dont palme, piante grasse, bananié. Parch San Bernard: da banda ëd vila Noailles, ës parch as dëstend ai pé dle ruin-e dël castel. Ambelessì a chërso na gran varietà ëd fior mediteranie. A travers le duverture dla sinta dël sécol ch'a fa XIII la vista a së spantia an sij Maures, ël pich ëd j'Osej, la colin-a ëd Costebelle, la sità veja, la colegià 'd San Pàul, la penìsola ëd Giens e j'ìsole d'Hyères. Parch dël castel Santa Ciàira: a resta an sij domini ëd n'antich convent ëd clarisse. An sël cò, dle ruin-e a fan da coron-a a la tomba dël colonel Voutier, propietari dël parch ant ël sécol ch'a fa XIX.
Le rive N'atività amportanta a l'é ël torism d'ista: Hyères a l'ha vint chilòmeter ëd rive, dont l'Almanarre, na longa riva ëd sabia arlongh le salin-e dël baciass dij Pesquiers; le rive dl'Ipòdrom, dla Capte e dla Bergerìa, argropà ant la stassion d'Hyères-Plage; le cite rive ëd l'Aygade, ël Pontillon, le Darboussières, la Baume an sla penìsola ëd Giens.
Eveniment e manifestassion Festival dla mòda e dla fòto, a la fin d'avril a Vila Noailles Les vignades, a mità luj Jazz estival, a la fin ëd luj Festival dla canson fransèisa, an ost
Le fere e ij mërcà Al màrtes ëd matin an piassa dla Repùblica e al saba 'd matin an cors Gambetta as ten ël mërcà paisan. Al saba 'd matin ant ël sènter a-i é ël mërcà tradissional. Ël mërcà biològich a l'é al màrtes, al giòbia e al saba ëd matin an piassa Viscontëssa ëd Noailles.
La prima dumìnica dël mèis an piassa Clemenceau e piassa dla Repùblica as ten la fera dij feramiù e dj'antichità.
A pòrto sò nòm Ìsole d'Hyères
Categorìa:Comun-e dël dipartiment ëd Var