Un pissacan: lë Strobilurus tenacellus
Descrission A l'é un cit pissacan ch'a chërs tòst a la prima. Ël capel a l'é, a tut buté, da 1,5 a 2 cm, da seuli a rupì, maròn o maròn scur. Le lamele a son motobin ciàire, scasi bianche e a fan contrast con ël capel scur. Gamba àuta fin a 7 cm e larga fin a 0,2 cm, radicanta, da bianca a òcra giàuna peui barossa an bass, povrosa. A l'é scasi dël color dël capel, a së s-ciairiss an sù, e a l'é motobin resistenta (a-i dà ël nòm sientìfich al bolè). La carn dël capel a l'é scarsa. Savor amer.
Ambient A l'é un dij prim bolè ch'a chërso a la prima. A chërs dzora a pigne, pì o men anterà, ëd Pinus sylvestris.
Comestibilità
A l'é giudicà bon da mangé, bele che a l'é motobin cit. A arzulta nen che an Piemont a sia mangià.
Arferiment bibliogràfich për chi a veul fé dj'arserche pì ancreuse Strobilurus tenacellus (Pers. : Fr.) Singer
Categorìa:Strobilurus