Un pissacan: la Psathyrella cotonea
Descrission Capel fin a 6 cm, a ciòca peui distèis bombà a pupa, brun òcra al disch, da motobin fibrilos-lanos a scajos ëd gris brunastr ëdzora a un fond da biancastr a grisastr dle vire macià ëd violet. Bòrd nen strià, fibrilos apendicolà. Lamele motobin s-ciasse, strèite pansarùe, da biancastre a gris porprà peui brun cicolata. Fil bianch brinà. Gamba àuta fin a 12 cm e larga fin a 1 cm, silìndrica, bianca, fibrilosa o scasi lanosa, angrisenta con l'età. Sensa anel, ma a peul ess-ie na zòna lanosa. Pé soens giàun motobin viv. Carn da bianca a brunastra, giàun viv an bass. Sensa odor.
Ambient A chërs bocc o a partìe, për tèra o vzin a 'd such ëd latifeuje o ëd conìfere.
Comestibilità
A ven dàit për mangiativ.
Arferiment bibliogràfich për chi a veul fé dj'arserche pì ancreuse Psathyrella cotonea (Quélet) Konrad & Maublanc
Categorìa:Psathyrella