Descrission A l'é na pianta ch'a viv sempre, drita, auta da sessanta a sent cm, con la gamba lanosa e le feuje penà con dë spin-e longhe; le fior a son a tubol, ëd color ross porpra, coatà da na lan-a ch'a smija a na ragnà bianca, con dle ponte.
Ambient A-j piaso ij pòst nen coltivà e rocos, ij prà pasturà, ij bòrd dij senté, ij pra alpin, da 600 a 2300 m.
Fioridura Da giugn a agost.
Particolarità El nòm Cirsium a riva dal grech kirso e a veul dì varis, përchè ant l'antichità a vnisìa dovrà ant la cura dle ven-e varicose. Për la dotrin-a dle signadure a vnisìa considerà un rimedi për la tristëssa. Dioscòrid a lo considerava un rimedi contra la malinconìa e, adritura, ij decòt con le feuje a j'ero consejà për rivé a në stat d'argal.
Arferiment bibliogràfich për chi a veul fé dj'arserche pì ancreuse Cirsium eriophorum (L.) Scop., 1772
Categorìa:Cirsium Categorìa:Fior ëd montagna