Descrission Sta bela pianta a l'ha na gamba drita, sovens peilosa e rossastra, ch'a riva a sinquanta-stanta cm. Le feuje basaj a son riunìe a rosëtta e a l'han na bela forma oval a lansa, mentre le feuje dë dzor a son butà opòste e a son na frisa pi strèite. Le fiorin-e a son biancastre, reusa o violet.
Ambient A l'é comun-a ant ij pòst ùmid e ant ij giairon.
Fioridura Da magg a agost.
Particolarità Le piante dë sta famija-sì a l'han vaire propietà an comun. Ël nòm a riva dal latin VALERE, ch'a veul dì sté bin, e a s'arferiss a le proprietà curative dl'erba, ch'a l'é dzortut rinfrëscanta. La pianta a ven ëdcò dovrà ant la composission ëd vaire cosmétich.
Arferiment bibliogràfich për chi a veul fé dj'arserche pì ancreuse Valeriana montana L. 1753
Categorìa:Valeriana Categorìa:Fior ëd montagna