thumb|300px|Fresch dla sconda metà dël Tërzent ant ël chiòstr ëd l'abassìa 'd Vessolan L'Ancontr dij tre viv e dij tre mòrt (chèich vire ciamà 'dcò Contrast) a l'é 'n tema iconogràfich tìpich ëd l'Età ëd mes e present an vàire arfigurassion.
Ël tema a arpresenta tre giovo cavalié vestì da sgnor che, ant ël mes ëd na cavalcà ëd cassa, a ancontro tre cadàver an progressiv ëstat ëd decomposission, che a j'avertisso an disend o mostrand na scrita: «Lòn che vojàutri i sareve, nojàutri i lo soma adess. Chi as dësmentia ëd noi, as dësmentia ëd sé medésim».
As sa nen se la descrission ëd l'ancontr a sìa dësvlupà prima sota forma 'd pitura o an forma literaria: na prima arfigurassion dla metà dël sécol ch'a fa XIII a l'é present ant la cesa 'd Santa Maria a Atri, mentre che dël 1275 la stòria a ven descrivùa ant na conta an lenga fransèisa 'd Baudouin de Condé, trovador ëd Valenciennes, mnestrel a la Cort ëd la contëssa Margherita II dle Fiandre.
A-i è chi ch'a pensa ch'ël tema dla meditassion an sla mòrt da part dij viv a l'abia avù orìgin ant l'Asia Minor dagià ant ij prim sécoj dl'era cristian-a. Àutri stòrich a preferisso pensé che l'iconografìa a sìa nassùa an Euròpa con la difusion dij moviment pauperìstich eretical o dle predicassion dj'órdin mendicant.
An Piemont Ij tre viv e ij tre mòrt a son arpresentà an vàire cese dël Piemont e an particular an sle strà ch'a mnavo ij pelerin da la Fransa a Roma:
Abassìa ëd Vessolan, Albugnan Cesa 'd san Lorens, La Cassa (fresch dëstacà, ancheuj an Munissipi) Capela dël Cont, San Gieuri Sacra 'd San Michel, Sant Ambreus Convent ëd San Fransesch, Susa
Categorìa:Art medieval