thumb|right|200px|Rudyard Kipling Romanzié e poeta an lenga anglèisa. Rudyard Kipling a l'era nassù a Bombay (al dì d'ancheuj Mumbai) ël 30 dë dzèmber dël 1865, an n'ambient anglo-indian motobin coltivà, e a l'ha vivù an India vàire agn.
A set agn a l'é stàit mandà an colege an Anghiltèra e des agn pì tard a l'é tornà an India, anté ch'a l'ha publicà soe prime poesìe satìriche e a l'ha ancaminà a travajé ant ël giornalism. Soa abilità ant ël conté a l'ha falo vnì dun-a arnomà.
A l'ha viagià motobin, an Cin-a, an Giapon, an Australia, e a l'é anstalasse an Mérica ël temp dë scrive soa ciadeuvra, ël prim e ël second Lìber dla giungla, ant ël 1894 e 1895, anté ch'a conta ëd na masnà sërvaja, chërsùa e anstruìa da dj'animaj savant dont a l'ha amprendù ël lengage.
A torna an Anghiltèra dal 1896 e as consacra a scrive. Dël 1907 a l'é stàit ansignì dël Premi Nobel për la Literatura.
A l'é mòrt a Londra ël 18 ëd gené dël 1936.
Euvre prinsipaj Plain Tales from the Hills (1888) The Light That Failed (1890) Mandalay (1890) (poesìe) Gunga Din (1890) (poesìe) The Jungle Book (1894) The Second Jungle Book (1895)) Captains Courageous (1897) Kim (1901) Puck of Pook's Hill (1906)
Kipling, Rudyard Kipling, Rudyard Kipling, Rudyard Kipling, Rudyard