PòloGiogador ëd pòlo durant na partìaFederassionFIPComponent ëd n'echip4ContatSì (limità)GènereSpòrt dzora ij cavajCamp da gieughCamp da pòlo(270x150 m)Olìmpichdal 1900 al 1936Campion mondial Spagna (2022) Ël pòlo a l'é në spòrt d'echip giugà dzora ij cavaj. Fonsionament As gieuga an doe echip, con 4 giogador për part, ël but a l'é fé intré la balin-a ëd bòsch tra ij doi paloch.
La partìa a l'é partagià an "chukker", visadì an perìod da le 7 a le 7 minute e mes, an base al regolament.
A la fin ëd minca chukker, a venta armudé minca caval; minca caval a peul esse utilisà për màssim 2 vire për partìa.
Régole
Ël contat a l'é limità a le spalà ch'ij giogador a peulo dé ai cavaj aversari. Tuti ij giogador a deuvo biandé la régola dla linia dla bala, visadì che quand la bala a l'é stàita batùa, fin ch'a sta ancor an vol, ël giogador pi vzin a chila a l'ha la precedensa e j'autr a deuvo pa ambarasselo. A la fin ëd minca chukker, a venta armudé la banda dël camp.
Stòria Ël pòlo a l'é në spòrt antich, a armonta ai përsian, quand a l'era në spòrt propedèutich a la guèra, përché la fasson ëd bate la bala a l'é da l'aut al bass, coma con na sàber. La prima partìa confermà a l'é stàita giugà ant ël '600 a.C., disputà tra ij përsian e ij turchman.
Ël gieugh a l'é stàit amportà ant l'imperi Bisantin e an India, andoa ij colòn anglèis a l'han creà le règole moderne ant ël 1862.
Copa dël Mond La Copa dël Mond ëd pòlo a l'é stàita vagnà:
5 vire dl'Argentin-a 3 vire dal Brasil 2 vire dal Cile 1 vira da Stat Unì d'América e Spagna
Variant
Gamel pòlo (camel polo): giugà ant ij Paìs dël Gòlf Persich dzora ij gamel.https://camelids.org/2023/11/01/camel-polo/ Elefant pòlo (elephant polo): giugà an Thailandia dzora j'elefant.https://sport.sky.it/altri-sport/2022/04/01/elephant-polo Pòlocross (polocrosse): mës-ciada ëd pòlo e lacross, a ven giugà ant l'Australia, l'Anghiltèra e ël Sudàfrica. An Piemont a-e é në stabiliment a Somariva dël Bòsch.https://www.facebook.com/ItalianPolocrosseAssociation/?locale=it_IT
Nòte
Categorìa:Spòrt Categorìa:Spòrt ant ël Regn Unì