thumb|right|200px|Jonathan Coe Jonathan Coe (nassù a Birmingham ël 19 d’agost dël 1961) a l’é në scritor an lenga anglèisa.
A l’é considerà un dij talent ëd la literatura britànica ch’a promet pì bin.
Biografìa A l’ha studià a la King Edward's School a Birmingham, al Trinity College a Cambridge e a l’università ‘d Warwick, andoa a l’é ‘dcò stàit professor ëd poesìa anglèisa. A l’ha peui travajà ‘nt ël camp musical an ëscrivend mùsica jazz e euvre ‘d cabaret. Dnans ch’a dventèissa scritor e gasëttié freelance, a l’é ‘dcò stàit coretor dë sbòss.
Temàtiche Soèns soe euvre a l’han andrinta un gran anteresse për le question sossiaj, bele che për ël sòlit a sìo esponùe an fasson umorìstica, an forma ‘d sàtira. L’ambientassion ëstòrica e polìtica andoa ch’as dësvlupo ij sò romanz, a l’é pa mach në sfond, ma a l’é al contrari un contest ch’a ven tratà an manera mnùa, fin-a a la mira ‘d compagné ij përsonagi ant n’Anghiltèra press che real.
Euvre Romanz The Accidental Woman (1987) (Fomna për asar) A Touch of Love (1989) (Un toch d’amor) The Dwarves of Death (1990) (Ij sarvan ëd la mòrt) What a Carve Up! (1994) (Che trocionament!) The House of Sleep (1997) (La ca dla seugn) The Rotters' Club (2001) (La còca dij lifròch) The Closed Circle (2004) (Ël sìrcol sarà) The Rain Before It Falls (2007) (La pieuva prima ch'a ven-a giù)
Biografìe Humphrey Bogart: Take It and Like It (1991) (Humphrey Bogart: pijevlo e ch’av piasa) James Stewart: Leading Man (1994) (James Stewart: òm guida) Like a Fiery Elephant: The Story of B. S. Johnson (2004) (Parèj a ‘n fier elefant: la stòria ‘d B. S. Johnson)
Premi e arconossiment What a Carve Up! - Mail on Sunday/John Llewellyn Rhys Prize (1995) What a Carve Up! - Prix du Meilleur Livre Etranger (Fransa) (1995) The House of Sleep - Writers' Guild Award (Best Fiction) (1997) The House of Sleep - Prix Médicis Etranger (Fransa) (1998) The Rotters' Club - Bollinger Everyman Wodehouse Prize (2001) Like a Fiery Elephant: The Story of B. S. Johnson - Samuel Johnson Prize (2005)
Coe, Jonathan Coe, Jonathan