Votagio (Voltaggio an italian, Otaggio an lìgure) a l'é un comun dël Piemont ëd 722 abitant Sorgiss: ISTAT - Bilansi demogràfich al 01/01/2017 ., ant la provinsa ëd Lissandria.
As treuva ant la val dël torent Lèm, che da l'Apenin Lìgure a cala giù për la provinsa 'd Lissandria fin a campesse ant l'Òrba.
Stòria thumb|left|230px|Ël pont romànich an sël LèmContut che la region anté ch'as treuva Votagio a sìa stàita abità fin da la Preistòria da tribù 'd bërgé Ligurin e che a-i passèissa la via Postumia ch'a colegava le sità roman-e 'd Libarna e Génoa, le prime testimonianse scrite dl'esistensa 'd Votagio a armonto al 1006, quand ch'ël pais a l'é nominà antra ij possediment ëd la catedral ëd Génoa. Vilagi comprèis ant la Marca dj'Obertengh, a l'é peui passà a la branca dij Malaspin-a e për longh agn a l'é stàit ant le mire dij vësco 'd Torton-a, dij Marchèis ëd Gavi e dla Repùblica 'd Génoa. Dël sécol ch'a fa XII ël pais a passa dël tut ai Genoèis, an trovandse an posission ëstratégica an sla strà ch'a portava a Neuve sensa passé dai Feod Imperiaj. Fin a tut ël Sinchsent, Votagio a l'era goernà da doi Podestà nominà da Génoa e da doi Cónsoj sërnù antra j'abitant pì eminent dël pais.
Dël 1625 Votagio a l'ha pià feu për j'atach ëd le trupe sabàude 'd Carl Emanuel I e dij fransèis, ant ël tentativ ëd conquisté Génoa. D'apress ël pais a l'é peui stàit arcostruvù con la forma slongà ch'a conserva al dì d'ancheuj. Dël sécol apress l'istess but a sarà portà anans pì vòte da le trupe austrìache. Dël 1797 a ven a fé part ëd la Repùblica Lìgure prima e dl'Imperi Fransèis ëd Napoleon Bon-a-part peui. Dël 1815 la Liguria a passa al Regn ëd Sardëgna e dal 1819 al 1859 Votagio a fa part ëd la Provinsa ëd Neuve, sota la Division ëd Génoa e ant ël mandament ëd Gavi. Dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859) a passa ansema a tut ël Circondari ëd Neuve a la Provinsa ëd Lissandria e al Piemont.
Aministrassion Ël sìndich a l'é Michele Bisio (dal 26/05/2014).
Anliure esterne Sit istitussional
Arferiment
thumb|left|330px|Panorama
Categorìa:Comun dla provincia ëd Lissandria