Ël geneiver american: Juniperus virginiana Descrission Ël Juniperus virginiana, ciamà comunement geneiver american, a l'é na conìfera dla famija dle Cupressaceae, aut fin a 15-20 méter, con na copa piramidal e 'n bion drit. La scòrsa dij branch giovo a l'é brun rossastra e a dësprend an fasse strèite. Le feuje dij branch giovo a son aghiform, longhe 5-10 mm, peui a dvento a scaje, vërde o vërde bluastre, con na giàndola giaunastra an sla schin-a. La pianta a l'é dioica. Ij frut a son ëd bache carnose, cite (4-7 mm), color bleu scur o bleu-verd, con na pàtin-a biancastra, ch'a conten-o 1-2 smens. A son caraterìstiche për l'odor aromàtich (a sento ëd gin). A l'é na pianta ch'a viv 100-300 agn.
Distribussion A l'é nativa dël nòrd-est djë Stat Unì e dël sud-est dël Canadà, ant na region comprèisa antra l'Océan Atlàntich e le Montagne Rocose. A viv ant ij teren pòver, sabios o calcaros, e a tòlera bin la suitin-a e ij clima frèid. A l'é stàit antrodot an Euròpa dël sécol XVII com erbo ornamental e për sò bòsch. An Piemont a l'é present an quàich giardin e parch, ma a l'é nen comun.
Notissie Ël bòsch a l'é aromàtich, dur e resistent a la marseugna, dovrà për fé 'd mobij, d'atrass, për la costrussion d'archivi e për fé 'd matite (a l'é 'l bòsch clàssich dle matite). Da le bache as oten un euli essensial dovrà an erboristerìa e për aromatisé ël gin. A l'é n'òspit amportant për la farfala Callophrys gryneus. An Piemontèis a l'é ciamà geneiver american. A l'é arzistent a la suitin-a e a l'é dovrà për la riforestassion e për fé 'd sev.
Arferiment bibliogràfich për chi a veul fé dj'arserche pì ancreuse
Juniperus virginiana L.