thumb|right|200px|René-Louis Baire Matemàtich. René-Louis Baire a l'era nassù ai 21 ëd gené dël 1874 a Paris e a l'é mòrt a Chambéry ai 5 ëd luj dël 1932. Fin-a al 1895 a l'ha studià a la Scòla normal superior; apress a l'ha mostrà ant ij licéo a Troyes, Bar-le-Duc e Nancy. Dël 1902 a oten un pòst a l'università ëd Montpellier, peui, dël 1905, a l'università ëd Digion. Ij sò problema ëd testa e ëd salute a lo fòrso tòst a chité ansegnament e arserca.
Sò travaj Ij travaj ëd Baire a trato dij nùmer irassionaj e dle fonsion ëd variàbil real. A antroduv la teorìa dj'ansem ëd Cantor an cost setor, lòn ch'a lo men-a a studié j'ansem màgher e a dimostré dël 1899 sò teorema ëd categorìa. Dël 1899 a definiss le fonsion semi-continue e dël 1905 a dà 'd lession an sle fonsion dëscontinue al Colege ëd Fransa.
A pòrto sò nòm Fonsion ëd Baire Propietà ëd Baire Spassi ëd Baire Teorema ëd Baire-Banach Teorema ëd categorìa ëd Baire
Euvre prinsipaj Théories des nombres irrationnels, des limites e de la continuité (1905) Leçons sur les théories générales de l'analyse (1907-1908)
Baire, Rene Louis