Старина ( Starina) то найвекша засобарня на питну воду не лем на Словакии, але в цѣлой Середньой Европѣ. Находить ся на крайном востоку Словакии, на сѣверо-востоку окреса Снина.
Полога и околиця Водозбор выбудованый на горном току рѣкы Цироха в горском пасмѣ Буковскы Верхы. Территория доокола водозбора е храненов зонов и сучастьов природного парка Полонины. В охранной зонѣ водного дѣла находить ся природна резервация Газдорань з плохов 17,3 га, выголошена року 1993 про охрану тепломилной лучной флоры.Lesopoľnohospodárske urbárske spoločenstvo Starina
Параметры водозбора Водозбор мать объем 59,80 миллионы куб. м. и плоху 125,81 км2, затоплены зостали катастралны 311,4 гектары. Глубка воды коло перегороды е 50 м. Выбудовав ся в роках 1983–1988 про застачаня питнов водов восточной части штату, главнѣ векшых мѣст Пряшово и Кошицѣ, довжка водовода до Кошиць — 130 км. Напущати ся водозбор зачав в року 1987.Lesopoľnohospodárske urbárske spoločenstvo Starina
Гуманитарны аспекты Перед выставбов водозбора требало одселити седем валалы, котры находили ся в зонѣ затоплѣня и в охранной зонѣ водозбора. Были то Дара, Острожниця, Руське, Смолник, Старина, Велька Поляна, Звала. При том свои домовства мусѣли зохабити 3500 людей. Обывателѣ достали у просѣку по 80–150 тыс. корун одшкодного за збуряны домовства и квартель в окресном мѣстѣ Снина, высше як 100 людей не были согласны з вышков одшкодного. Высельованя перебѣгало поступно в роках 1980–1986, послѣдне выселили село Руське. Веце людей не хотѣли ся выселити, але наконець быв лем еден припад примусового выселѣня, а то в селѣ Старина. В року 2004 достали выселенцѣ за символичну едну коруну будову в центрѣ Снины як одшкодне за збуряны културны домовы в заниклых селах.Lesopoľnohospodárske urbárske spoločenstvo Starina
Смоть тыж Буковскы Верхы
Одказы Туристична мапа околицѣ Видео з истории одселѣня валала Старина Выгнала их вода (STV2) Lesopoľnohospodárske urbárske spoločenstvo Starina (слов.) Звуковый запис молитвы старинчан
Референции
Катеґорія:Водны засобарнї на Словеньску Катеґорія:Окрес Снина