Горожанска школа, або бесѣдно горожанка (мад. polgári iskola, чеш. měšťanka), была форма школы, заведена законом ч. XXXVIII з року 1868 "О народных школах" Мадярского кралевства. Горожанкы в Подкарпатю и на Словакии пережили змѣну державности (Трианон) и в роках 1919–1939 за Чехословакии были росширены и значно лѣпше выбавены.Алмаши М., с. 69–70. В роках 1939–1944, при новой змѣнѣ державности продовжовали фунговати и были ликвидованы в року 1945 при совѣтской образовной реформѣ.
Назначѣня и шпецифика Горожанка была школа, котра давала образованя высшого ступѣня як высша народна школа, але не приготовляла абитуриенты на далшу науку во высшой школѣ, як середня школа (гимназия).Révai, т. 15, с. 548 До горожанкы могли ити тоты, што мали высвѣдчѣня за 4 классы зачаточной народной школы, або склали вступный испыт. В горожанцѣ хлопцѣ учили ся 6 рокы, дѣвкы 4 рокы. В классѣ не могло быти веце од 50 ученикох, а хлопцѣ и дѣвкы мали быти цѣлком одокремены. Найчастѣйше про то были окремы горожанкы про хлопцѣ и про дѣвкы. В первых 4 классах горожанкы учили ся такы предметы, як и в первых 4 классах середной школы (реалной гимназии), окрем латинского языка. Иншы предметы (главно практичной орьентации на потребы данного населеного пункта або региона) учили ся в послѣдных двох классах горожанкы. Высвѣдчѣня горожанкы давало право заняти низшы урядницкы посты в державной службѣ, в промыслѣ, торговли, або достати дале фахове образованя в фаховых школах и одповѣдно лѣпше плачену роботу.Polgári iskolák
Зачаткы и розвой Приготовка учительох про горожанскы школы рушила ся уже од року 1873. Року 1880 в цѣлой державѣ было 57 хлопчачых и 53 дѣвочѣ горожанкы, а року 1913 уже 210 хлопчачых и 325 дѣвочых.
На Подкарпатю первы горожанкы были отворены в Береговѣ року 1873 (дѣвоча) и 1874 (хлопчача). Року 1938 в Подкарпатской Руси, что на тот час была уже в Чехословакии, фунговали 44 горожанкы, з них 21 з русинскым языком преподаваня, на Пряшовщинѣ — двѣ.Магочи П.Р., Поп И., с. 143.
Финансованя Горожанка подля закона была утримована мѣстнов громадов. Окрем того ученикы мали платити школное. Тоты, котры принесли высвѣдченя худобности, увольняли ся од школной оплаты. Зависимо од мѣры худобности мѣра увольнѣня мала 5 ступньох, аж до повного увольнѣня. Увольнѣня од школного тыж зависѣло од успѣшности в науцѣ и од справованя.Мукачовска горожанка 1941/42, с. 59 Напр., в Мукачовской русско-мадярской горожанцѣ в первом поврочу уч. рока 1941/42Мукачовска горожанка 1941/42, с. 13 Ступень увольнѣня Хлопцѣ ДѣвкыЦѣлком12204. ступень20233. ступень19282. ступень30541. ступень5862Повна оплата4972 З того примѣра видиме, же повне школне платили лем 26% хлопцьох и 28% дѣвок. Учитель горожанкы быв плаченый 2,5 раз высше од учителя зачаточной народной школы и 1,5 раз высше од учителя высшой народной школы подля закона ч. XXXVIII з року 1868, але тыж тот закон забеспечовав, же в богатых громадах, де дотогды учителѣ мали высшу од законом становеной платню, буде им захована.
Жерела и одказы Закон о народных школах XXXVIII року 1868 (мад.) Мукачовска мадярско-русска горожанка, рочна справа 1941/42 (мад., русс.) Polgári iskolák (мад.) Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Алмашій, Михайло. Русинська педагогічна енциклопедія. Ужгород, 2005. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. ужгород, 2010.
Референции
Катеґорія:Образованя в Мадярском кралевствѣ Катеґорія:Образованя в Чехословакии