Святый Мефодий, Μεθόδιος Methodios — быв византийскый политичный и културный дѣятель, старшый брат Святого Кирила. Канонизованый Християнсков Церквов яко святый и ровноапостолный. Православны христиане честують го и як едного з Седмочисленикох.
Молоды рокы Отець Михала-МефодияМефодий — монаше имя, властне имя подля одгаду могло быти Михал. (815–885) быв высокый военскый достойник в Солуньской жупѣ.Солунь — славянска назва, грецка назва Фессало́ники (гр. Θεσσαλονίκη). Жупу населяли славяне, предкы днешных Македонцьох и Булгар, а тыж Грекы.. Дав сыну доброе образованя и приготовив го на высоку карьеру. Умер около року 840, а перед смертьов просив Феоктиста, найвысшого министра при византийском дворѣ, жебы ся постарав о дѣти. Мефодий быв натуры практично заложеной, яко найстаршый сын, пошов слѣдами отцьовыми, на военску и державну службу, и по выуцѣ зостав цѣсарьскым намѣстником Стримонского округу, недалеко од Солуня, населеного славянами.Dvorník F., с. 53.
На горѣ Олимп Около року 581, по политичных перемѣнах Мефодий лишать державну службу и одходить до монастыря на горѣ Олимп. Коли року 856 в переворотѣ быв забитый их покровитель, Феоктист, младшый брат Кирил тыж одходить до того монастыря, де Мефодий уже быв натогды игуменом.Малышевский И.Dvorník F., сс. 54-66. Поважуе ся, же за тоты рокы, котры въедно прожили в том монастырю, створили глаголицю, перву славянску азбуку.
В житии Мефодия споминать ся Полихрониев монастырь, котрый быв недалеко од Олимпа и быв притяжливый про Мефодия через свои книжны богатства.
Моравска и Паннонска миссия
Од року 863 были обое братове з миссиов в Моравии. Там их конкурентами были франкскы епископы, котры усиловали ся обернути христиан ку римскым обрядам. Авшак братове року 869 были в Римѣ и зыскали прихылность Папы про славянску Божу службу. Тут але Кирил умер и Мефодий обстав сам. Быв Папом рукоположеный за Архиепископа Срѣмского (Sirmium) з юрисдикциов моравсков и паннонсков и зачав миссийну роботу в Балатонском князевствѣ, де пановав славянскый князь Коцел, котрый просив од Папы славянского епископа. Але меджи тым в Моравии князь Ростислав быв обаленый, и Моравия стала ся вазалом восточнофранкского краля Людвика Нѣмця. По навернѣню до Моравы (870) Мефодий зостав там франкскыма епископами арештованый, судженый и посадженый до темници. Пробыв там майже три рокы, занѣ уже новый Папа Ян VIII. дознав ся за его нещастя и выслободив го (873).
Наступници Мефодия Мефодий умер 6. апрѣля 885 во Велеградѣ, главном городѣ Моравии. Лишив по собѣ наступником Моравана Горазда, и тот быв тогочасным Папом Штефаном V. рукоположеный. Але нѣмецкый бискуп Вихинг з помочов сфалшованого папского письма и огварянь добив ся того, же Папа заказав Гораздови Божу службу в славянском языку.KELLY, John N. D., Сс. 159–160. Наконець помалы были выгнаны з Моравии вшиткы ученикы Кирила и Мефодия, котры поутѣкали до Булгарского царства. Там пак з глаголицѣ вывинули кирилицю, котра въедно зо славянсков Божов службов росширила ся и на Киевску Русь.
Честованя В Католицкой Церкви, Англиканской Церкви, Евангелицкой Церкви держать сполочный день честованя Кирила и Мефодия — 14. фебруар. Православны держать день Мефодия 6. апрѣля и 11. мая подля Юлианского календаря.Method im Ökumenischen Heiligenlexikon Российска Православна Церковь держить день памяти святого Мефодия — 6(19) апрѣля.
Жерела и одказы Dvorník, František. Cyril a Metod. // Tvůrcové dějin. Čtyři tisicletí světových dějin v obrazech dob a osobností. Druhý díl. Středověk. Red. Karel Stloukal. Nakladatel L. Mazáč. V Praze, 1934. Cc. 53-60. KELLY, John N. D. Encyklopedia papieży. Warszawa : Państwowy Instytut Wydawniczy. . Житие Св. Мефодия, записане курто по року 885 глаголицьов, зоз польскым перекладом Малышевский И. Олимп, на котором жили св. Константин и Мефодий
Референции
Катеґорія:Покровителе Европы Катеґорія:Перекладателе Библии Катеґорія:Христианскы святы