Снинскы рыбникы суть рекреачнов областьов в регионѣ Горный Земплин, в околици мѣста Снина, около 3 км од его центра в долинѣ потока Быстра.
Опис Рекреачна область Снинскы рыбникы окружена Вигорлатскыма Верхами з циклотрасами и туристичныма ходниками. Ту зачинать ся пѣша туристична траса, значена модров значков на популарный Снинскый Камень (1006 м), одкаль мож ити дале ку озеру Морске око (618 м).Turistická mapa 126 Vihorlatské vrchy – Zemplínska šírava 1 : 50 000. Vyd. VKÚ, akciová spoločnosť, vydanie 5. 2010. Harmanec. . Снинскый Камень и Морске око суть частьов ареала Вигорлатскый пралѣсВигорлат – мапа (Вычитано 2015-07-30), курто званого Вигорлат, записаного року 2007 до свѣтового природного наслѣдства UNESCO в категории Карпатскы буковы пралѣсы и стары буковы лѣсы Германии (Primeval Beech Forests of the Carpathians and the Ancient Beech Forests of Germany). В тых лѣсах суть высше 240-рочны екземплары бука, потребуючы охрану.
В рекреачной области находить ся природне купалиско Снинскы рыбникы, котрое было в року 2010 выбудовано з трьох природных купалиск. То друге биокупалиско в Словакии з технологиов самоочищѣня воды з помочов ростлин и алг (водоростох). В року 2014 достало оцѣнѣня Найлѣпшый туристичный объект Пряшовского края (NAJ produkt cestovného ruchu Prešovského kraja).Barbora Čechová. NAJ v cestovnom ruchu PSK [online]. Prešovský samosprávny kraj, 2015-01-20 Доступно онлайн (слов.) Вычитано 2016-04-17 Купалиско мать три глубковы пасма — про малы дѣти (глубка 0.05 м – 0.4 м), про неплаваючых (глубка 1.1 м –1.5 м) и про плаваня (глубка 2.0 – 3.5 м), котра од неплавецкой оддѣлена молом. Басен, служачый на филтрацию и чищѣня воды, напущать ся з потоку Быстра. В ареалѣ суть шпортовы игриска и дѣтскы игриска.
Около купалиска ся находить кемп Автокемпинг Снина, котрый фунгуе каждорочно од 15. мая до 30. септембра. Понукать убытованя в хатках, шатрах и станованя на травнистых плохах.
В лѣтных мѣсяцьох в рекреачной области в амфитеатрѣ одбывають ся музичны и фолклорны фестивалы. Понукать ся стравованя и убытованя.
Приступ ходником зо Снины, час: ↑50 мин., ↓ 40 мин. за модров значков зо желѣзничной штации Snina, час: ↑ 30 мин., ↓ 20 мин. мѣстскым автобусом зо Снины (Порядок руху)
Фотогалерия Кликнѣть на образок про звекшѣня.
Одказы Снинскы рыбникы на туристичной мапѣ Биокупалиско Снинскы рыбникы, офиц. сайт Автокемпинг Снина, офиц. сайт Биокупалиско Снинскы рыбникы на Facebook-у
Референции
Катеґорія:Туристика на Словеньску Катеґорія:Купалиска и плаварнѣ