Олаф Брох (норв. Olaf Broch; *4. август 1867, Гортен, Норвегия — †28. януар 1961, Осло, Норвегия) — норвежскый филолог, слависта, перекладатель, историк.
Биография Родив ся в Гортенѣ 4. августа 1867 в родинѣ торговця и пивовара Йогана Антони Цинке Броха (Johan Anthony Zincke Broch). Его сестра Лагерта Брох (Lagertha Broch) была дѣточа писателька, брат Ялмар Брох (Hjalmar Broch) быв зоолог, универзитный профессор в Осло.
Штудовав на универзитѣ в Христиании, котрый закончив року 1893. Од року 1896 — доцент там же. В роках 1900–1937 — профессор славянскых языкох на универзитѣ. Штудовав славистику в Лайпцигу и Санкт-Петербургу. Член академии наук Норвегии (1896), заграничный член-дописователь Петербургской АН (1916), РАН (1917), АН СССР (1925)Энциклопедический словарь. Брок Олаф. В року 1949 вылученый зоз членства в Академии наук СССР «за антисовѣтскы публикации».Служебная записка сектора науки агитпропа ЦК Д. Т. Шепилову по вопросу исключения из АН СССР троих её иностранных членов.
Научна робота Яко лингвиста главны роботы написав в области славянской диалектологии и фонетикы славянскых языкох Мадярского кралевства и России.
В року 1895 перебывав на Подкарпатской Руси и интересовав ся главнѣ диалектами на словацко-русинском языковом пограничу.
Угроруськы лингвисты з ентузиазмом прияли Олафа Сабова на Подкарпатской Руси и видѣли в его роботѣ потверджѣня познатой тезы Александра Духновича о неможности покласти фонетику в основу литературного языка подкарпатскых Русинох.Сабов, Евмений. Норвежскій славистъ въ Унгварѣ Зо свого боку Олаф Брох тыж позитивно упоминать во своей роботѣ Угрорусское нарѣчіе села Убли отця Евмения Сабова, як надѣйного лингвисту, котрый легко освоив его методику и способный продовжити самостойно начату ним языкознательску роботу.
В России интересовав ся диалектами Вологодской и Калужской губерний, яко историк в совѣтскых архивах штудировав документы, дотычны односин России зо шкандинавскыма державами.
Переклады русской литературы Олаф Брок товмачив по норвежскы русскых классикох (Лев Толстой, Федор Достоевскый).
Публикации Olaf Broch. Zum kleinrussischen in Ungarn. Archiv für Slavische Philologie. Berlin, 1895, № 17. 1897, № 19 Olaf Broch. Studien von der Slovakisch — Kleinrussischen Sprachgrenze im östlichen Ungarn. т. 1—2. Kristiania, 1897, 1899 Олаф Брокъ. Угрорусское нарѣчiе села Убли (Земплинскаго комитата). Изданiе отдѣленiя русскаго языка и словесности Императорской академiи наукъ. — Спб.: Тип. Имп. Акад. наукъ, 1899 Olaf Broch. Die Dialekte des sudlichsten Serbiens. — Wien : Alfred Holder, 1903 (Диалекты Южной Сербии) Олаф Брок. Описание одного говора из юго-западной части Тотемского уезда. — Спб.: Тип. Имп. Акад. наук, 1907 Олаф Брокъ. Очеркъ физіологіи славянской рѣчи. Энциклопедiя славянской филологiи. Выпуск 5. Под ред. Ягича И. В. Изданiе отделенiя русскаго языка и словесности Императорской академiи наукъ. — Спб.: Тип. Имп. Акад. наукъ, 1910 Olaf Broch. Slavische phonetik. Heidelberg: Carl Winter, 1911 (Славянская фонетика) Олаф Брок. Говоры к западу от Мосальска. Пг.: Тип. Имп. АН, 1916Электронные каталоги фундаментальной библиотеки Нижегородского государственного университета им. Н. И. Лобачевского Olaf Broch og Ernst W. Selmer. Håndbok i elementær fonetik. Kristiania: Aschehoug, 1921 Olaf Broch. Fra Østlandets dagligtale, 1923 Olaf Broch. Russenorsk. Archiv für slawische Philologie, 1927Vladimir Belikov. Some Fragments of Russenorsk Grammar. Institute of Russian Language, Russian Academy of Sciences, Moscow Olaf Broch. Russenorsk tekstmateriale, Maal og minne, 1930
Жерела Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. С. 72. Сабов, Евмений. Норвежскій славистъ въ Унгварѣ. // Листок, 1895, 15. мая, с. 114–115.[Дост. онлайн]
Референции
Катеґорія:Лингвисты Катеґорія:Перекладателе Катеґорія:Слависты