Божена Сланчикова-Тимрава, слов. Božena Slančíková-Timrava, властне имя Божена Сланчикова, псевда Тимрава,Тимрава — назва едной кырницѣ в околици Полихна. Тета з Полихна (*2. октобер 1867, Полихно, Мадярске кралевство — †27. новембер 1951, Лученець, Чехословакия) — словацка прозаичка и драматичка.
Биография Пришла на свѣт в родинѣ евангелицкого священика Павла Сланчика (Pavel Slančík) и Марии Гонеци (Mária Honétzy) на фарѣ в Полихнѣ яко двойча въедно з братом Богуславом. Были 3-4. дѣти, а цѣлком родина мала 11 дѣтей, з котрых лем шестеро дожили ся уверстного вѣку. З причины худобности родины лем два рокы ходила до народной школы в родном селѣ, дале пак ю учив дома отець. В року 1881/82 в Банской Быстрици навщивовала четверту класу горожанкы и склала екзамены за вшыткы 4 класы. Изгодя склала екзамены в педучилищу в Лученци.
Не оддала ся а про то мала цѣложивотны проблемы. Пробовала ся осамостойнити и найти собѣ роботу в приватной службѣ, в музею, яко поштарька, але то ей вышло лем накурто. В роках 1882-1909 жила в Полихнѣ и вручила ся литературѣ. По смерти отця (1909) жила в Абеловой у брата Богуслава и была выховательков в захоронцѣ. По року 1945 одышла ку своякам до Лученця, де жила до смерти.
Творба Тимрава написала даколько книг сельскых повѣдань. Выступала тыж против емиграции до Америкы. О доли села за свѣтовой войны написала повѣданя Герои (Hrdinovia)Josef Kotrč, Josef Kotalík, с. 136. и В часѣ войны (V čase vojny).
Живот и творба Тимравы тѣсно звязана з селами Полихно и Абелова. Описала горскы села, людей и природу. Люде ей творбу розумѣли, была им близка, зато стала ся их облюбенов писательков. Критична позиция ку людьом (напр. в Тяпаковцях) ся вшак одбила даяков здержаностьов сопротив "теты" Тимравы в Полихнѣ.О творбѣ Теты з Полихна слов.
Дебутовала повѣданьом За кого ся оддати? (Za koho ísť?, 1893). Мѣстска кишасонка гледать, а наконець найде жениха межи сельсков интелигенциев. З даяков ирониев ся концентруе на психичны реакции своей героинѣ, ей внуторный свѣт и менталиту.
Еще скорше написала около 70 верши, котры записовала до тейкы, але нигда не опубликовала; волѣла писати прозу, бо вершы, подля ней ограничовали слободу творчости. Характерный про ню быв новый выклад тексту, при котром выужила вецезначность слова; зо сарказмом зобразила словацку народностно ориентовану сполочность и критично описала ей ковтунскы недугы. З ирониев концентровала ся на психологию геройох, конфронтовала их поступованя и их думаня, котры были повны протиречѣнь. Ей творба ся поважуе за вершину словацкого реализму, але своим акцентом на психологию постав е уж ближе ку творбѣ словацкой модерны.Оsobnosti.sk: Božena Slančíková Timrava.
Творы Тимравы доднесь суть популарны. В року 2010 професионалный русинскый Театер Александра Духновича включив до свого репертоару драматизацию новелы Тяпаковцѣ,Тяпаковцѣ в ТАД, 2010 а е на сценѣ ТАД доднесь.Тяпаковцѣ в ТАД, 2017
Вызнаменаня 1937 Державна премия за новелу Двѣ добы (Dve doby) 1947 Титул Народна умѣлкыня
Жерела и одказы Josef Kotrč, Josef Kotalík. Stručné dějiny československé literatury pro vyšší třídy škol středních. V Praze, nákladem Československé grafické unie A.S., 1934. C. 136. Полихно, родиско Б. С. Тимравы слов. Оsobnosti.sk: Božena Slančíková Timrava слов.
Референции
Катеґорія:Словацкы писателе Катеґорія:Словацкы драматици