Пьер Ларусс, Pierre Athanase Larousse (*, Туси, департамент Йонна, Франция — †, Париж) — французскый филолог и педагог, енциклопедиста, лексикограф и выдаватель. Основав властне выдавательство, котре з часом вывинуло ся на великый выдавательскый центер Европы, створив сѣмнадцатьтомный енциклопедичный словник Grand dictionnaire universel du XIXe siècle (Великый универзалный словник XIX. стороча).
Биография Родив ся в невеликом селѣ Туси, около 150 км оддаленом од Парижа. Отець му быв колесарь и ковач, а мати корчмарька. Пьер быв добрый ученик и достав штипендию, жебы продовжив науку в педучилищу в Версаю. В 20-рочном вѣку вернув ся до Туси и быв за три рокы учительом высшой народной школы, а пак одышов до Парижу.Lionello Sozzi. D'un siècle à l'autre : le tournant des lumières. Rosenberg & Sellier, 1998. С. 28.
За восемь рокы слухав бесплатны курсы в Сорбоннѣ и другых културных и образовных центрах метрополии, ходив по библиотеках и зробив тысячѣ записох по розличных предметах в области лингвистикы, литературы, истории, филозофии, механикы и астрономии. За свою жадность до наукы од коллег достав прозывку Библиотекарь.Monique Catherine Cormier. Les dictionnaires Larousse : genèse et évolution. PUM, 2005. С. 24.
Од року 1848 за три рокы робив в приватной середной школѣ з интернатом (L'Institution Jauffret). Ту ся спознав з колегыньов, своев будучов женов, Полин Сюзан Кобел (Pauline Suzanne Caubel). В року 1849 за властный рахунок опубликовав перву книжку La Lexicologie des écoles primaires (Лексикология зачаточных школ), за котров послѣдовала цѣла серия учебникох.
З оглядом на популарность учебникох въедно з Огюстеном Буае (Augustin Boyer), своим краяном, 1. мая 1852 зарегистровав Книгарню Larousse et Boyer (выдавательство и книготорговля).В року 1869 сполувластникы роздѣлили ся. Успѣшна робота выдавательства приспѣла финансово до выданя найвекшого дѣла Ларуссового, 17-томной енциклопедии Grand dictionnaire universel du XIXe siècle (1863–1876), два послѣдны два томы котрого вышли уже посмертно (1878, 1890).Révai nagy lexikona...
Женитва, смерть и наступництво По 25 роках живота на вѣру, по васкуларно-мозговом нападу, видячи недалекый конець, Пьер Ларусс 13. януара 1872 побрав ся з Полин Сюзан Кобел.Jean-Yves Mollier, Bruno Dubot. Histoire de la librairie Larousse. Fayard, 2012. С. 21.
Пьер Ларусс умер 3. януара 1875 на инфаркт мозка и погребеный, подля его волѣ, на цинтерю Монпарнас (14. округ Парижа). Полин Ларусс достала половку маетка и побрала ся з малярьом Констаном Ноло (Constant Noleau).Jean-Yves Mollier et Bruno Dubot. Histoire de la librairie Larousse. Fayard, 2012. С. 50-53.
Справовати выдавательство продовжив братранець умерлого Жульен Олье (Julien Hollier, 1842–1909),Сын его сестры Sophie Louise Larousse (1820-1879) и ей мужа Jules Alexandre Hollier (1818-1871). котрый декретом з дня 19. януара 1885 достав право додати собѣ призвиско матери, и одтогды писав ся Олье-Ларусс.
Выдавательство Ларусс робить доднесь. Его книгы перекладены вецей як 40 языками.Pierre Larousse (francianyelv.hu). Популарне выданя Dictionnaire complet, illustré перевыдавало ся около 150 раз.
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 12, с. 506. https://web.archive.org/web/20090819092748/http://francianyelv.hu/francia-kultura/hires-franciak/327-pierre-larousse.html
Референции
Катеґорія:Лингвисты Катеґорія:Педаґоґы Катеґорія:Выдавателе Катеґорія:Енциклопедисты