Реформация, обнова ци оправа — быв процес в христианской Церкви зо зачатком в 16. ст., з цѣльов направлѣня одношѣнь и навернѣню ку христианству, незатяженому традициями. В ходѣ реформации ся вытворили протестантскы Церквы. Реформация выволала великы перемѣны не лем в церковном, але и в политичном животѣ. Через тоты перемѣны понятя Реформация означать тыж историчну добу, што слѣдовала за Ренесанциев. Обычайно ся поважуе, же зачала ся з публикациев 95 тез Лутера в року 1517 и держала до конця Тридцятьрочной войны в року 1648.
Причины Середновѣка Церковь в Западной Европѣ властнила до 1/3 вшиткой орной землѣ, на котрой експлоатовала труд панщарьох, хоснуючи тоты самы методы и способы, што и свѣтскы. феодалы. Фурт новы поплаткы на хосен Церкви стрѣчали ся з одпором. Реформация была поддержана формуючов ся националнов буржуазиев и селянско-плебейскым рухом. Буржоазия потребовала оновленое христианство, Церковь скромнѣйшу и туншу, грошы мали ся инвестовати не до ставляня великолѣпых храмох и пышных служб, але до выробы. В Англии и Франции были законы лимитуючы претензии Католицкой Церкви, але в нѣмецкых землях она могла робити, што хотѣла, а своим здирництвом и непристойностьов дакотрых священникох выволала ростучу ненависть.Гобри, Иван. Лютер. Сс. 5-18.
95 тез Мартина Лутера Реформация зачала ся з такой само по собѣ маленькой подѣи, же 33-рочный монах и казатель, католицкый пастор Мартин Лутер 31. октобра 1517 вывѣсив на дверѣ церковли во Виттенбергу 95 тез, в котрых критично реаговав на продаж одпусток и иншы контроверзны практикы католицкой Церкви. Сам Мартин Лутер думав тыма тезами лем выволати дискузию в академичных кругах.
Але вѣсть о тых тезах в куртом часѣ росширила ся в цѣлой Германии. Тезы поддержали еден з найвызнамнѣйшых гуманистох и теологох свого часу Филипп Меланхтон, курфюрст Саксонскый Фридрих Мудрый, и велика часть шляхты, ведена грофом Зикингеном, грофове фон Шаумбург, поет и рыцарь Гуттен.Révai nagy lexikona...
Цѣсарь Максимилиан, хоть бы и хотѣв, не мог задусити рух. Року 1523 в нѣмецкой Низинѣ за ширѣня лутеровой наукы спалили двох монахох, во Вѣдню, Мюнхенѣ, Келнѣ тай инде окремых спалили або стяли, але тоты преслѣдованя скорше роздували, а не гасили огень реформации. Папа римскый в року 1520 выдавать буллу, де грозить Лутерови клятбов. Лутер на то реагуе спалѣньом буллы. Папа го за то екскомуникуе з католицкой Церкви а цѣсарь Карол V. выдавать Вормсскый едикт, котрым поставив Лутера и его науку поза законом. Але ани тоты драстичны репресии не зоперли лутеранство.
В Швайцу
В Швайцу, в нѣмецкых кантонах реформацию рушив Улрик Цвингли, котрый свою науку сформуловав в 67 тезах. Росширѣню тых идей помогла теологична дискузия в Бернѣ в року 1528, по котрой идеи Цвингли росширили ся на вшиток кантон Берн.
Третий конарь реформации под веденьом Калвина вывинув ся во Франции, а пак во французском кантонѣ Женева, куды Калвин мусѣв утѣкати од репресий. Од другой половкы 16 ст. оба напрямы споили ся и створили Реформатску Церковь.
В иншых краях На Украину реформация проникла з Польщѣ во формѣ социнианства, але неодовго была задусена.Реформация. //УСЕС.
В Подкарпатской Руси калвинска реформация лишила свой слѣд в литературном памятнику Няговска постила, в сполоченствѣ же, ани в господарствѣ про реформацию не было предпокладох.Петров, А.Дэже, Л.
См. тыж Вормсскый едикт Гугеноты
Вызнам Идеологы реформации одмѣтовали найвысшу владу Папы римского, монашество,култ святых, святы образы. Домогали ся богослужбы в материнском языку, за жерело вѣронаукы признавали лем Святе Писмо.
Реформация причинила ся до розцвѣту националных култур, найме литератур, приспѣла до формованя народовых держав, помогла сполоченско-господарскому розвою. Выволала тых контрреформацию, в резултатѣ котрой Католицка Церква была змушена направити свои хыбы. Взникли новы Церквы и вырос вызнам идеи вѣротерпимости.
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 16, сс. 114-116. Гобри, Иван. Лютер. — М.: Молодая гвардия, 2000. — 513 с. — (Жизнь замечательных людей). Дэже, Ласло. Няговские поучения и их автор. //A Nyagovai posztilla. Nyíregyházi Főiskola Ukrán és Ruszin Filológiai Tanszék. Szerkesztette Zoltán András. Nyíregyháza, 2006. Петров, А. Отзвук реформации в Русском Закарпатьи XVI в. Няговские поучения на евангелие. Прага. 1923. — Особый оттиск из Вестника Чешского Королевского Общества Наук. Класс философский и историко-филологический: 1921-1922. УСЕС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3, с. 65.
Референции
Катеґорія:Реформация Катеґорія:Нововік