Пестициды, pesticida (pestis – зараза, caedo – забивати) — хемичны субстанции, котры суть поуживаны в земледѣлствѣ на знищованя шкодникох, приносячых шкоду ростлинам и господарской скотинѣ, а тыж против переносчикох хворот чоловѣка и домашных звѣрят.
Тип пестицидаОбъект знищѣня Гербициды Ростлины Алгициды Алгы Авициды Птахы Бактерициды Бактерии Фунгициды Грибы и плѣсень Инсектициды Инсекты Моллускоциды Мягкуны Нематоциды Нематоды Родентициды Грызуны Вируциды Вирусы
Позитивы и негативы Пестициды суть токсичны про людей и скотину, зашто их поуживаня ся остро регламентуе. Поужитя пестицидох уможнять досягти стабилну уроду и обмежити ширѣня инфекций, переношаных звѣрятами, инсектами, напримѣр маларию и тиф. Непомѣрне поужитя мать вшакже негативны дослѣдкы. Може вести ку взнику резистентных видох организмох, наймя межи инсектами; може знищити драпежникох — прироженых неприятельох шкодникох — и другы ужиточны звѣрята. Заморюючи животне окружѣня, пестициды огрожують здоровя люди: теперь уже суть доконця и в подземных водах.
В року 2017 експерты :ОЗН выступили з выголошѣньом о фалошности тверджѣня о потребѣ хоснованя пестицидох про потравинову застаченость. Тыж информовали они о 200 000 смертелных отровлѣнь пестицидами рочно и о том, же сталый контакт з пестицидами споеный з онкологичныма хворотами, Алцгеймеровов и Паркинсоновов хворотами, ендокринныма хворотами, порухами вывоя и безплодностьов.Pesticides are “global human rights concern”, say UN experts urging new treaty
Жерела и одказы Пестициды.//Тимченко А. Д. Краткий медико-биологический словарь. Киев. Вища школа. 1988. . С. 233. Пестициды. //Энциклопедия Кругосвет
Референции
Катеґорія:Пестициды