Плебей, plebeius од plebs люд, варощане — быв римскый варощан, котрый не мав предкох межи родовов шляхтов (патрициями). Плебеи могли быти привезены до Рима люде зо завойованых земель, люде з околичных племен, або иншы. Плебеи были слободныма обывателями Рима, але довгый час не мали политичны права.Plebs. //Ottův slovník naučný. Громадный назывник плебс, plebs, окреслять плебейох як социалну версть.
История Подля легенд кральове Тулл Гостилий (672-642 до н. е.) и Анк Марций (642-617 до н. е.) населили Рим людми зо завоеваных земель, давши им права варощан, але не давши права голоса и державной службы.Plebs. //Révai nagy lexikona. Историк Бартолд Георг Нибур, подробно штудовав тему римского плебса«Римска история» (Barthold Georg Niebuhr. Römische Geschichte, Berlin, 1811—1832). и поважовав, же плебеи появили ся в Римѣ за краля Анка Марция (642-617 до н. е.).
З настаньом аристократичной републикы (509 до н. е.) недостаток политичных прав у плебейох указуе ся барз выразно. Не могли они служити в державных урядах, не могли вступити до сопружества з сынами и дѣвками патрицийох. Не мали права ани знати законы, котры принимав сенат. Занимали ся ремеслом, купецтвом, земледѣлством. Уж од 6. ст. до н. е. домагали ся плебеи, жебы им были придѣльованы землѣ на завойованых териториях, на котрых бы могли уживити ся. Богатшы плебеи домагали ся доступа до державных урядох.
Первый великый протест плебейох быв в року 494 до н. е.,Хронология Старовѣкого Риму. коли одышли гет з Рима на околичну Святу гору и одвергли участь во войнѣ против сосѣдного племени Еквох. Тым протестом домогли ся заведеня уряду трибуна, урядника, котрый мав обороняти их интересы. Подобным способом протестовали плебеи и другый раз (450 до н. е.,Prawo dwunastu tablic. 287 до н. е.): переставали фунговати городскы службы, замыкали ся бовты, земледѣлцѣ грозили городови голодом, вшыткы ся грозили одыйти з Рима и заложити нову осаду. Поступно собѣ вымогли все векшы права.
471 до н. е. — зрядженый инштитут людовых трибунох, котры мав право ветовати законы, кедь не одповѣдали интересам плебса. Плебеи тыж достали право згромаджѣня. 451-449 до н. е. — кодификованы законы и опубликованы (право 12 таблиць); законы не ликвидовали неровность плебейох, але опубликованя не дозволило патрициям любовольно трактовати закон. 445 до н. е. — приятый закон, котрым было дозволено плебеям вступати в сопружество з патрициями. 287 до н. е. — плебеи достали ровны права з патрициями.
Куриозиты Плебеи при ѣджѣню послужовали ся вшиткыма пятьма перстами, не мали ниякы обычаевы предписы, як ся справовати за столом. Не так было у патрицийох: ѣсти належало лем трема перстами, не поуживаючи перстенник и мизилник, перед ѣджѣньом мыти рукы, а в часѣ ѣджѣня великы кусы порѣзати на меншы.Як ѣли плебеи, а як патриции?
См. тыж Плебисцит
Жерела и одказы Plebs. //Ottův slovník naučný. Devatenáctý díl. Praha : J. Otto, 1902. s. 889. Plebs. //Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том. 15, с. 510. Хронология Старовѣкого Риму. //Портал Imperium Romanum Prawo dwunastu tablic. //Портал Imperium Romanum. Плебеи. //Портал Imperium Romanum Як ѣли плебеи, а як патриции?
Референции
Катеґорія:Старовікый Рим