Трианонскый мирный договор, або Трианонскый мир, бесѣдно тыж Трианон, быв договор побѣдникох з Мадярщинов, еден з парижскых мирных договорох, подписаных по Первой свѣтовой войнѣ.
Передистория Мадярщина переживала свои найтяжшы часы: по роспадѣ Австро-Мадярщины в державѣ стала ся социалистична револуция (1918), была выголошена Мадярска Совѣтска Република (1919), и зачала ся военна интервенция Антанты. Французске, чехословацке, румынске, югославске войско продовжовали успѣшно однимати все новы и новы мадярскы територии и не понагляли ся подписати мирный договор з Мадярсков Совѣтсков Републиков, хоть она прияла вшиткы условия. Завоеваня новых територий продовжало ся, покля не была обалена совѣтска влада и не была реставрована стара, з котров споенцѣ готовы были подписати мирный договор.
Подписаня договора Договор быв подписаный в каштелю Великый Трианон во Версаю под Парижом 4. юна 1920 меджи Мадярщинов и державами-побѣдницями и вызначив новы, стѣснены границѣ Мадярщины.
Договор ступив до платности 26. юла 1921. З боку «держав-побѣдниць» подписали го США, Британска империя, Франция, Италия, Япония яко главны споенцѣ и еще 12 держав яко «асоциованы моцности»,Подля тексту договора: BELGIUM, CHINA, CUBA, GREECE, NICARAGUA, PANAMA, POLAND, PORTUGAL, ROUMANIA, THE SERB-CROAT-SLOVENE STATE, SIAM, and CZECHO-SLOVAKIA. в том числѣ три державы зыскуючы значный териториалный хосен з однятых Мадярщинѣ територий: Румыния, Чехословакия, Кральовство Сербох, Хорватох и Словинцьох.
Наслѣдкы Мадярщина прияла договор в глубоком траурѣ и ввела го в силу законом ч. 1921/ХХХІІІ. З даколишных 282,870 тыс. км2 зостало лем 92,833 тыс. км2 (32,8%) територии. З даколишных 18,264533 млн. обывательох зостало лем 7,980143 млн. особ (43,7%). Мадярам, котры трафили за границѣ (около три милионы подля списованя 1910), договор обѣцяв ровны права з векшиновым обывательством их новых держав, але то зостало на папѣрю.Trianoni békeszerződés.
Хоть в 14 пунктах Вилсона веце раз упомянутый принцип додержаня етничных меж при вызначѣню новых границь, в договорѣ были они проигнорованы.
На державу были накладены тяжкы репарации в натурѣ и финансовы. Была конфишкована ей военно-морска флота и ограничена дунайска полицайна флота. Была однята суверенита над воздушным простором. Была недозволена обща бранна повинность, а жолдацке войско не могло перевышити 35 тысяч особ. Не дозволяло ся мати авиацию, танкы и драстично ограничена тяжка артилерия.Текст договора.
Моцное чутя несправедливости и утрата историчных мадярскых земель наконець друлили Мадярщину до наруча фашистичных Италии и Германии, коли ситуация в Европѣ ся змѣнила, а Германия рѣшително поставила ся против несправедливых заряджѣнь по Первой свѣтовой войнѣ.
Жерела и одказы Trianoni békeszerződés. //Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 18, с. 472. Текст договора
Референции
Катеґорія:История Подкарпатской Руси Катеґорія:Мировы договоры Катеґорія:История Чехии Катеґорія:История Словеньска Катеґорія:Історія Европы Катеґорія:История Мадярщины