Смолник Smolnik – село в Польщи, положене в Подкарпатском воеводствѣ, в Бещадском повѣтѣ, в гминѣ Лютовиска, над рѣков Сан при воеводской дорозѣ ч. 896. Найблизшым мѣстом суть Устшыки Дольне в одстояню 23,7 км.

История Село находить ся недалеко од осады Журавин, котра уже ествовала в року 1444 и была найдавнѣйшов осадов в горном току Сана.Agnieszka Paluch: Ziemia odzyskana- Smolnik nad Sanem. Сам Смолник быв заложеный по року 1530 на волошском правѣ,A. Fastnacht. Osadnictwo ziemi sanockiej w latach 1340 – 1650. – Wrocław, 1962. – S. 178, 265. а еще и в року 1855 спомянутый в штатистичном справозданю яко Смолник при Журавину.Karol Wild. Skorowidz wszystkich miejscowości położonych w królestwie Galicyi i Lodomeryi jakoteż w wielkim księstwie Krakowskiem i księstwie Bukowińskiem, pod względem politycznej i sądowej organizacyi kraju wraz z dokładnem oznaczeniem parafii, poczt i właścicieli tabularnych, ułożony porządkiem abecadłowym | miejsce. Lwów, 1855. С. 202. В даньовых реестрах споминать ся первый раз под роком 1589. В року 1889 в селѣ были 562 обывателе, з того грекокатоликы — 371, римокатоликы — 83, израелиты — 74; подля народности были 337 Русины, 160 Поляци, 26 Нѣмцѣ.

Од року 1945 по 1951 село належало до Львовской области УССР, а пак было вернуте Польщи але без обывательства, котре примусово розселили в УССР. Помалы хыжы были розобраны, окрем церкви.

Днешность

Село днесь находить ся на храненой територии Ландшафтного Парка Долины Сана, Park Krajobrazowy Doliny Sanu. Векшина територии парку лежить над 500 м над морьом, и 80% покрыто игелкастыма лѣсами. В самом Смолнику ку храненым объектам парку належить бойковска церква Св. Архангела Михаила з року 1791.Fauna i flora - Bieszczady Wysokie, Gmina Lutowiska. //www.lutowiska.pl,kapitola Park Krajobrazowy Doliny Sanu. Одчитане: 2016-11-13 Церква того типу е една з двох, котры ся заховали в Польщи, друга е в сканзенѣ в Саноку. Днешне село выбудоване зостало на новом мѣстѣ, о 1 км на сѣвер од памятковой церкви. Церква од року 2013 е в Свѣтовой дѣдовизнѣ UNESCO.

Ку шолтыству Смолник належить и осада Журавин, котра лежить прямо на украинской граници и числить 11 особ. Шолтыска обох локалит — Małgorzata Pełdiak.Шолтыства гмины.

Вызнамны особы В Смолнику в роках 1918-1935 служив о. Йоанн Полянскый, грекокатолицкый священик и русинскый народовець. В той добѣ грекокатолицка громада числила понад 400 вѣрникох.

Жерела и одказы Agnieszka Paluch: Ziemia odzyskana- Smolnik nad Sanem. Wieś Smolnik - Podstawowe informacje Исторична мапа Смолника. Сайт гмины.

Референции

Катеґорія:Населены пункты в Польску