Недѣля — тыждньова русинска новинка, котра выходила в Будапештѣ в роках 1898-1919. Новинка была русинскым вариантом мадярской новинкы Néplap, котра выдавала ся министерством польногосподарства (földművelésügyi kormány) про народностны меншины Мадярского кральовства.Ковач Ф. и др.
Новинка Néplap выходила по мадярскы, нѣмецкы, румынскы, русинскы, сербскы и словацкы. Подля официално декларованого мотива, выданя мало противостояти «розмножившой ся шунд-литературѣ». Мадярскый вариант новины зачав ся выдавати в року 1894. Главный редактор его быв Ендре Сабов.Révai nagy lexikona.
Обсяг и характер новинкы Новинка подавала по русинскы вѣстѣ, материалы из будапештскых новинок, литературны творы и статьи русинскых авторох.Магочій П.Р., Поп І.Поп, И. Окрем иншого замѣщовали ся и творы, перекладены з украинской литературы (М. Вовчок, П. Кулиш, Б. Лепкый, С. Руданскый, В. Стефаник, И. Франко, Т. Шевченко).
Язык новинкы быв близкый ку народному, бесѣдному.
Од року 1908 новинка мала каждорочный додаток Приятель селян.
В року 1916, коли была заказана кирилиця, новинка продовжовала выходити, печатана латиников, называла ся Negyelya.
Редакторы и дописователѣ Первы 18 чисел редаговав Калман Демко, дале передав редакторство Михаилу Врабельови. Межи найактивнѣйшыми авторами были Григорий Гануляк, Ириней Легеза, Юлий Бращайко, Емил Кубек, Иван Поливка, з Пряшовского края тыж И. Невицка и А. Павлович.
Оцѣнка выданя Новинка была популарна в Подкарпатю, у Русинох Войводины, США и Канады.Алмашій, М.
Новинка пропаговала русинске народностне усвѣдомлѣня меджи Русинами, и оно в значной мѣрѣ заховало ся дякуючи тому выданю. Новинка стояла на становиску, же чоловѣк годен быти карпаторусинскым патриотом, а пиля того вѣрным обывательом Мадярского кральовства.Magocsi, Paul Robert.
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. . С. 177. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 14, с. 417. Алмашій, М. Русинська педагогічна енциклопедія. Ужгород, 2005. . С. 181. Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. . С. 241. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. . Сс. 534-535. Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. . С. 273.
Референции
Катеґорія:Русинскы новинкы