Германн фон Айхгорн (; *13. фебруар, 1848, Бреслау, Кральовство Пруссия (дн. Вроцлав, Польща) — †30. юл 1918, Киев, УЛР) — быв прусскый высшый военскый везирь, в часѣ Первой свѣтовой войны велитель нѣмецкого окупачного войска в УЛР.Пиріг Р.Я. Фельдмаршал Герман Айхгорн... Брав участь у прусско-австрийской войнѣ (1866) и прусско-французской войнѣ 1870-1871, в часѣ Первой свѣтовой войны воевав на восточном фронтѣ против России.
Айхгорн на Украинѣ По Брест-Литовском мирѣ генерал-фелдмаршал фон Айхгорн став ся главным велительом нѣмецкого войска на Украинѣ и в зачатку апрѣля 1918 прийшов до Киева. 6. апрѣля 1918 фон Айхгорн выдав росказ, дотычный засѣяня земель, властництва будучой уроды и ей закупок по фиксованым цѣнам про нѣмецке войско, в котром саботерам грозив строгов каров. Централна Рада выголосила, же тот росказ неприпустно засягуе до украинскых внуторных дѣл и народ Украины не мать его сповняти.
На тот час нѣмецка сторона уже не могла дале терпѣти «недостаток усиловности» Централной Рады в части застачѣня додаваня потравин про нѣмецке и австро-мадярске войско. Нѣмецке велительство зачало догваряня з Павлом Скоропадскым, потомком украинского гетмана 18. ст Ивана Скоропадского, односно ликвидованя Централной Рады и заведжѣня гетманату под векшов нѣмецков контролов.Маґочій П.Р., сс. 418-419.
25. апрѣля дотогды незнатый Комитет Захраны Украины выкрав Абрама Доброго, котрый быв агентом меджи Централнов Радов и нѣмецков сторонов у вопросах додаваня потравин. Фон Айхгорн зареаговав на другый день росказом, заводячым на Украинѣ военско-польовы суды, котрым подлѣгали вшыткы преступкы против сполоченского порядка, нѣмецкого и австро-мадярского войска. Коли 28. апрѣля Централна Рада, ведена Михайлом Грушевскым, зачала дебаты, як остро зареаговати на далшы засягованя до украинской суверениты, до мѣстности зашли нѣмецкы военны и заарештовали членох Рады.
29. апрѣля 1918 Скоропадскый выголосив себе Гетманом Цѣлой Украины, перемѣнив републику на гетманат и обновив приватну властность.
Одпор и репресии Найвекшый одпор селян быв в Звенигородцѣ, де 30-тысячне повстанске згрупованя било ся током юна-юла з трьома нѣмецкыма дивизиями. По придушѣню повстаня были накладены реквизиции и контрибуции: заберали статок, дробизг, зерно — и то вшитко задарь. Подля фон Айхгорна в одпору ся зучастнили 10-12% селянства. Военско-польовы суды масово выносили розсудкы смерти.
Тым часом до Киева пришла терористична група од партии есерох России, котры даколько тыждни штудировали линии руху и приступ ку бываню фон Айхгорна. 30. юла 1918 терориста Борис Донскый шмарив бомбу и тяжко поранив генерал-фелдмаршала и его адъютанта, котры еще тот день умерли в шпиталю. Гетман Скоропадскый и лидеры украинскых партий высловили нѣмецкым велителям кондоленцию и упозорнили, же терориста не быв Украинець, на што нѣмецкый конзул зауважив: нѣмецка розвѣдка уже знала, же теракт схвалив централный комитет украинскых есерох в Одесѣ.
В часѣ нѣмецкой окупации 1941-1943 централна улиця Киева, Крещатик, звала ся Айхгорнштрассе.
Жерела и одказы Маґочій П.Р. Історія України. — Київ: Критика, 2007. 640 с. Пиріг Р.Я. Фельдмаршал Герман Айхгорн: служба та смерть в Україні (квітень – липень 1918 р.) // Український історичний журнал. 2017, №3. Сс. 24-45. Скоропадський П. Спогади. Кінець 1917 – грудень 1918. — Київ — Філадельфія, 1995.
Референции
Катеґорія:Перва свѣтова война Катеґорія:История Украины Катеґорія:Войсковы особы