Гиспаньола, La Española (испанскый) — другый найвекшый остров подля плохы и первый подля обывательства в Карибском мори, котрый въедно з островами Куба, Пуерто Рико и Ямайка творить архипелаг Великы Антилы.Трёшников А.Ф., с. 119.
Землепис Остров омывать ся на сѣверѣ Атлантичным океаном, на югу — Карибскым морьом. Од острова Куба оддѣленый Вѣтровым проливом (80 км), од острова Пуерто Рико — Монскым проливом (130 км). Найвекша довжка острова около 650 км, найвекша ширина — 241 км, плоха 76 192 км2. Берегы суть почленены заливами. Складеный з вулканичных и усаджениновых горнин, часты суть трясѣня землѣ. Найвысша точка Пико Дуарте, 3 175 м н.м., е тыж найвысшов точков цѣлого архипелага Великы Антилы, найнизшов точков е озеро Енрикильо, гладина котрого о 45 м нижа од ровины моря.Encyclopaedia Britannica. Вогкы вѣчнозелены тропичны лѣсы занимають около 50% плохы острова и сягають до вышкы 2 000 м н.м.
История Остров быв объявленый Кристофором Колумбом в року 1492 и быв ним названый Еспаньола. Став ся первов сталов европсков колониов. Мѣстне индианске обывательство было пораблене и поступно выгынуло, были довезены новы рабы з Африкы. В другой половцѣ 17. ст. зачала ся французска колонизация западной части острова, и в резултатѣ испано-французской ривалиты з английсков участьов, а тыж успѣшного повстаня рабох на островѣ вытворили ся двѣ окремы державы.
Назвы острова В колониалной добѣ своей истории остров обычайно называв ся Санто Доминго, подля назвы главного мѣста. Окрем того уживаны были зоз языка пропавшого днесь аборигенного племена Таино назвы Гайти — гористый, або Квизкея — мати вшиткых земель.
Обывательство и економика Етничне зложѣня: Доминиканска република: Мулаты 73%, Бѣлы 16%, Чорны 11%; Гайти: Чорны 95%, Бѣлы и Мулаты 5%. Доминиканска, восточна, векша часть острова испаноязычна, гайтянска, западна часть говорить гайтянскым креолскым и (меншина) французскым языком. Хоть двѣ части окремой юрисдикции суть подля обывательства ровны, економика доминиканска 8-крат векша од гайтянской.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. Hispaniola. //Encyclopaedia Britannica.
Референции
Галерия
Катеґорія:Островы Карибского моря Катеґорія:Великы Антилы