Лексикология од λέξις слово, выраз + λόγος наука — конарь лингвистикы, котрый ся занимать розбором лексикы.Жеребило Т.В., с. 173
Предмет лексикологии Лексикология россмотрюе проблему слова як основной единицѣ языка, окреслять типы лексичных единиць; штруктуру словного фонда языка; фунгованя лексичных единиць; способы доповнѣня и розвою словного фонда; лексику и ей поровнану позаязыкову реалность.Языкознание, сс. 259–261. Напрямы лексикологии Лексикология ся роздѣлять на общу и шпециалну, историчну и компаративну (або диахроничну и синхроничну) и ужиткову. Обща лексикология занимать ся вопросами, котры суть предметом лексикологии, але не зависять од конкретного языка. Шпециална лексикология занимать ся лексикологичныма вопросами конкретного языка. Исторична лексикология росслѣджуе историю слов в дотычности до означованых нима понять; инша назва — диахронична — указуе на то, же росслѣд иде в глубину часу, конфронтуе стан в двох ровинах часу. Компаративна лексикология поровнуе лексику розличных языкох зоз замѣром выявити подобность и розлучность, не одхыляючи ся при тому в глубину часу (одты инша назва: синхронична). Ужиткова лексикология загортать переважно четыри сферы: лексикография, переклад, лингвопедагогика и култура языка.
Дисциплины лексикологии До лексикологии належать такы дисциплины (конарѣ):Пустошило Е.П. Етимология — наука о походжѣню слов, их зачаточном вызнамѣ и семантичных дотычностях; Лексикография — наука о теории и практицѣ зоставлѣня розличных словникох; Ономастика — наука о властных назывниках, котра обсягуе веце оддѣлох: антропонимика — наука о именах особ; астронимика — наука о назвах небесных тѣлес; зоонимика — наука о назвах животин; топонимика — наука о географичных назвах; Семантика — наука о вызнамѣ языковой единицѣ (слова або выразу), мать два аспекты: ономасиология — наука о называню, гледать одповѣдне слово на означѣня даного вызнаму; семасиология — наука о значѣню, объяснять вызнам даного слова або выразу; Фразеология— наука о усталеных комбинациях слов.
Жерела и одказы Жеребило Т.В.: Словарь лингвистических терминов. Изд. 5-е, испр. и доп. — Назрань: ООО «Пилигрим», 2010. – 486 с. Языкознание. Большой энциклопедический словарь / Гл. ред. В. Н. Ярцева. — 2-е изд. — М.: Большая Российская энциклопедия, 1998. — 685 c.
Референции
Катеґорія:Лексикология