Англичане, самоназва English people — основне обывательство Споеного кральовства Великой Британии и Сѣверной Ирландии. Сумарна популация 48,5 млн. особ, з чого найвекше число, а то 44,7 млн. особ — в Споеном кральовствѣ.
Язык — британскый вариант англицкого, диалекты — восточный, сѣверный, южный, западный, кентскый. Писмо на основѣ латинкы.
Етногенеза Етничнов основов Англичанох были германскы племена — Англы, Сасы, Юты, котры пришли на остров Велика Британия в V. аж VI. сторочу по тому, як одтам одтягли римскы легионы, што были потребны на оборону Рима. Ку зачатку VII. стороча тоты племена сформовали 7 кральовств.A brief history of England.
Далшы три стороча етнична консолидация одбывала ся в бою з данскыма викингами, аж наконець в року 1066 англо-сасскы племена подлягли нормандскым викингам, и од того часу французскый язык завойовникох достав спозначный вплыв на сформовану в току далшых стороч етничну сполочность, котров суть сучасны Англичане. В добѣ колониалной експанзии зоз переселенцьох сформовали ся новы англоязычны народы: Америчане США, Австралчане, Новозеландяне и др.
Традиции и звыкы Англичане заховали много традичных характерностей и звыкох в домашности и сполоченском животѣ. Ку традиции належить вертикално (на двох штоках) положене бываня, кандаловне огрѣваня в хыжах, во выживѣ — многы традичны народны ѣдла (бифштик, ростбиф, овсяна каша, пудингы, рыба и помфриты). В сполоченском животѣ Англичане утримують традицию розличных обществ и клубох. Англичане были вынаходниками многых шпортох; англицкы шпортовы термины удомашнили ся майже у вшиткых народох.
Жерела и одказы Гроздова И. И.: Англичане. //Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с: ил. . Сс. 47–48.
Референции
Катеґорія:Народы і етніка