Андріёва<ref>Андріёва (Andrejová) // Плїшкова, А., Копорова, К., Ябур, В. і кол. Правила русиньского правопису з ортоґрафічным і ґраматічным словником. – Пряшів: Пряшівска універзіта, 2019. – С. 521.'</ref> () є русиньске село недалеко од міста Бардеёва, в Низкых Бескидах в долинї Андріёва потока, лївого притока Топлї.

Назва Перша писомна змінка о селї походить з року 1355, кедь ся споминать під назвов „Andras Vagasa“. Тот топонім мать класічне походжіня з періоду колонізації і складать ся з двох частей: мена першого старосты або закладателя поселїня — Андрія ( або Endre), і мадярьского слова „vagasa“, што значіть „выруб“, „просїк“ або „поруба“. Оріґінална назва поселїня ся просто дослова перекладать як „Андріёва поруба“, што поуказує на заложіня села на містї выкорчованого лїса.

В далшім історічнім періодї мадярьскый елемент одпадав і назва ся міняла наслїдовно: в роцї 1414 є писомна доложена назва Endreuagasa; в роцї 1618 — Andreowa; в роцї 1786 — Andrašowce; од року 1808 ся стабілізовала сучасна подоба — Andrejova'' (Andrejová).

Полога Село ся розпростерать в Пряшівскім краю, в окресї Бардеёв, в западній части Низкых Бескід і в долинї Андріёва потока. Середня надморьска вышка досягує 325 м. З погляду точнїшой пологы ся находить приближно 5 кілометрів северно од Бардеёва, на дорозї меджі містьсков частёв Бардеёвска Нова Весь і селом Шарішске Чорне. Над селом ся тычать дакілько вершків Ондавской верьховины – Качалова (677 м), Градьске (585 м) і Єдліна (620 м), через котры переходить червена турістічна значка. Тов областёв протїкать дакілько меншых потоків, котры векшынов вытїкають на теріторію села, а ся тягнуть аж к южному окраю села Зборів, северно од Андріёвой.

Історія Село было заложене на кінцї 13. аж зачатком 14. стороча на закупнім праві. В давных писмах ся першыраз споминать в роцї 1355. В 14. сторочу село належало смілняньскым панам і потім в 15.-16. сторочу Маковіцькому панству. В року 1492 ту іщі была деревяна церьков, не є знамый датум коли была зничена, потім была збудована далша, котра згорїла в роцї 1882 і на їй місцї была збудована нова камяна церьков Дївы Марії в року 1892.Андрій Ковач.

Од року 1812 Андріёва была засягована епідеміями, з котрых в памяти найвеце зостала холера, што значно вылюднила село. Од року 1870 зачав ся одход до США а Канады даколи цїлыма родинами за лїпшым животом и роботов. В року 1949 до села заведена електрика, а од року 1950 зачав ходити автобус до окресного міста Бардеёва, а того ж року взникло ай земледїльске дружство. Од року 1974 до ужитку здана административно-културна будова.https://www.andrejova.eu/historia.php Obec Andrejová

Днешность Село мать водовод, ґазову мережу, а теперь ся сельскый уряд ся занимать выставбов канализації, чістярнї одпадовых вод и Дому смутку. Од року 1986 через мале чісло дїтей закрыла ся дїточа школка, а днесь в селї не мають ани зачаточной школы. За роботов значна часть обывательства ходить до Бардеёва и Кошіць.

В селї фунґують обходы з потравинами, польногосподарьске дружство, добровольный гасічскый збор і містный обход із одежов. Околічны земли ся выужывають переважно на хов овець. Андріёвскый готарь з розсяглыма лїсами ідеалный про туристику ай полёвачку. При штатной дорозї на Шарішске Чорне ся находить жрідло тзв. „Зимна студня“, де ся навщівници можуть напити чистой смачной воды.https://www.andrejova.eu/sucastnost.php

Обывательство

Зложіня обывательства подля народности (2011 р.): Русины – 67 (18,5%) Словаци – 208 (57,5%) Ромы – 24 (6,6%) Українцї – 10 (2,8%) Мадяре – 1 Поляци – 1 Остатнї – 1 Невыяснены – 50 (13,8%)

Довєдна – 362 (100%)

Русиньскый язык за материньскый означіли 104 жытелїв (28,7%)Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-26..

Жрідла

Obec Andrejová

Референції

Катеґорія:Населены пункты подля алфавиту Катеґорія:Населены пункты Словакии