Юрко Цимбора, Juraj Cimbora, * 6. юн 1919, Свидник, Словакия – † 1. октобер 1989, Пряшово, Словакия — педагог, хормайстер, композитор, фолклориста меджи Русинами Восточной Словакии.Федор Ковач, с. 368.Павло Роберт Маґочій, сс. 794–795.
Биография Юрко Цимбора, родак зо Свидника, походив зоз селянской родины.
Абсолвовав Пряшовску грекокатолицку учительску руську семинарию (1938), пак концьом 1930-х ай в 1940-х роках по русинскых селах Пряшовского края и меджи штудентами Пряшовской русской гимназии пропаговав балалайкову музику.
Од року 1949 учительовав в Хмельовой, Гаваю, во Свиднику, Гуменному и на середной педагогичной школѣ в Пряшовѣ (1949–1957). В року 1955 в Братиславѣ абсолвовав шпециалны курзы хорового спѣваня, а од року 1958 став ся умѣлецкым ведучым Поддуклянского украинского людового ансамбла PULS (1958 – 1967, 1970 – 1980). Быв там фахман на вшитко: хормайстер, хореограф, драматург, композитор и текстарь, а то му ся дарило, бо в повности знав мѣстну людову музику.
О животѣ и творбѣ Юрка Цимборы в року 2016 выдав книжку Ян Калиняк, з котрой ся мож дознати, же не лем записовав людовкы, але компоновав музику про хореографичны сцены, писав властны тексты спѣванок, инштрументалну музику, написав ай оперету в трьох дѣях Рождение жизни, 1947, котру в добѣ наставшой украинизации переробив на украинску: Незабутня весна, 1969. В той добѣ мусѣв писати и парадны соцреалистичны украинскы кантаты: Спів нашой молоді, Назавжди відкинуто горе, У сонячнім колі, Сонце Жовтня, Слався Жовтень, Наш прапор багряний, Фестивальна пісня, Слава героям и далшы.Богдан Гамбаль
Творба Позберав скоро 1 000 народных спѣванок. Автор даколькох публикаций и зборникох, еден час сполупрацовав з катедралным хором св. Йоана Крестителя. Тоты, котры го в хорѣ знали, доднесь на нього споминають з ласков и почливостьов. Быв решпектованый нелем як фахман в области музикы, але и як вѣруючый чоловѣк, котрый моцно любив свой старославянскый обряд и Грекокатолицку Церковь.Петро КРАЙНЯК, ст.
Про людовы аматерскы фолклорны колективы выдав: Народні пісні для мішаного та жіночого хору (1956, 1958) Українські народні пісні Пряшівського краю (1958) Українські народні пісні Східної Словаччини ІІ (1963) Збірник пісень (1969) Співаю і граю (1971) Заспіваймо собі двома голосами (1974) Поляна, поляна (1978) На майданах (1979) Музика на слова поетів (у зб. Молодії серця, 1980) и то еще не вшитко. Найпопуларнѣйшы спѣванкы властной композиции: Ей гой, тили-тили-тили, 1950-ы рокы PULS Ой, заграла музика-музиченька Яничку за водов
Жерела и одказы Федор Ковач: Цимбора Юрій // Павло Роберт Маґочій: Цимбора Юрій (Cimbora Juraj) //Магочій П.Р., Поп І. (уклад.) Енциклопедія історії та культури карпатських русинів. — Ужгород : Вид-во В.Падяка, 2010. — 856 c.+ХХХІІ с.
Референции
Катеґорія:Композіторы і музиканты Катеґорія:Педаґоґы Катеґорія:Русиньскы фолклорісты Катеґорія:Персоналии 20. стороча