КСУТ, абревиатура од Культурний Союз Українських Трудящих (по украинскы), Kultúrny zväz ukrajinských pracujúcich (по словацкы) — сполоченська народностно-културна организация «украинскых працуючых Чехословакии», котра была створена в добѣ повойновой украинизации.
Проблема народностного означѣня Наперек тому, же од року 1945 карпаторусинске обывательство Пряшовщины официално ся называло «украинскыма працуючыма», сельске обывательство ся чуло Русинами, интелигенция звязовала людове означѣня руськый з понятьом русскый, але владны и сполоченскы функционеры прияли новый комунистичный порядок и на означѣня того обывательства хосновали етноним украинскый.Magocsi, Paul Robert, с.404. КСУТ во своей чинности слѣдовав установленому порядку, аж по падѣ комунистичного режима во своей наступницкой организации зачав хоснованя новой назвы народности — Русины-Украинцѣ.
Взник и заник организации В роках 1949–1953 комунистична партия ЧСР, што пришла ку владѣ в року 1948, зачала заводжовати перемѣны, котры мали великый вплыв на Русинох: колективизация земледѣлства, заказ Грекокатолицкой Церкви, украинизация.Анна Плїшкова: Муза спід Карпат, вступ, сс. 16–18.
29.–30. мая 1954 в Пряшовѣ одбыла ся закладаюча конференция КСУТ, на котру пришли 400 делегатох и гостей.Краєзнавчий словник русинів-українців. Пряшівщина, сс. 189–190.
В року 1989 упав комунистичный режим, и в Чехословакии ся зачала ширити слобода в информованю и групованю, и так взникають организации, котры зась мали служити интересам Русинох. Ку материнскому русинскому языку ся зачинають вертати авторы, котры за комунистичного режиму были «украинскы поеты ЧССР».
КСУТ, котрый теперь уже не мав свого дозорцю и напрямователя, стратив велику часть членства, мусѣв ся реформовати на новых принципах. 20. януара 1990 делегаты дванадцятой конференции КСУТ выголосили себе «всенародним з'їздом русинів-українців» и переменовали организацию на «Союз русинів-українців Чехословаччини». Далша реформа мусѣла настати в року 1993, коли Чехословакия заникла.
Фунгованя организации Засяг Организации КСУТа были в окресах, де компактно бывали Русины, але тыж в Кошицях, Братиславѣ и Празѣ, их число в часѣ найвешого розцвѣту было до 280, а членство до 10 000 особ.
Язык Главна функция была ширѣня украинской културы меджи Русинами (украинизация). В роках 1954–1961 каждорочно фунговали 200 кружкы украинского языка.
Выдавательство КСУТ выдав понад 380 публикаций. Регуларно ся выдавали периодикы: Нове життя, Дружно вперед (од 1951), Дукля (од 1953).
Мѣстна култура КСУТ организовав фестивалы, научны конференции, семинары и подобны масовы подъятя, котры приспѣвали ку захованю мѣстной културы, традиций, познаню истории.
Критика Украинскы пишучы авторы переважно славили комунистичну партию, СССР и Украину, были далекы од реалного живота Русинох. Аж коли настав помягк 60-х рокох, доткнуло ся то и КСУТа: Нове життя завело регуларны русинскы стороны, вышли в свѣт и окремы публикации по русинскы, але в них ся фурт выказали проблемы, выплываючы з граматичных и лексичных роздѣлох меджи двома языками, котры в каждом припадѣ все были зигнорованы на хосен украинского языка.
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. Краєзнавчий словник русинів-українців. Пряшівщина. Упорядник Федір Ковач. — Пряшів: СРУСР, 1999. (по украинскы) Муза спід Карпат. (Зборник поезії Русинів на Словеньску). Зоставила ПгДр. Анна Плїшкова. — Пряшів: Русиньска оброда, 1996. (по русинскы)
Референции
Катеґорія:Организации в Чехословакии