Августин Йенковскый (* 18. октобер 1833, Сачуров, Окрес Воронов, Мадярске кральовство – † 22. януар 1923, Салдобош, Хустскый округ, Чехословакия) — священик, вынаходник з Подкарпатской Руси.
Абсолвовав гимназию в Кошицях и духовну семинарию в Унгварѣ. Од року 1860 священиком в парохиях грекокатолицкой Мукачовской епархии: Пириче, Нѣрпилиш (днесь Гайдудорогска епархия), пак Бобовище, Ракошино, од року 1880 Салдобош.Бабота Л. (1999).
В року 1873 придумав жатку-сноповязачку, котрой идею не удало му ся реализовати, а пак была она украдена и реализована в Америцѣ.Алмаший М. Сконштруовав понад 10 розличных машин.
Йенковскый быв скромный, розважный, терпезливый и добродушный чоловѣк. Великый ремеселник быв. В Салдобошу зачав держати пчолы и красны грошѣ заробляв из медом, котрого за сезону выпродуковав ай 2,5 тоны.Годинка А.
Про пчоларьох сконштруовав шпециалны рамкы до улия, за котры достав диплому в року 1892 на выставцѣ в Будапештѣ. За свои вынаходы в року 1893 Енковскый достав велику золоту медалию и титул честного дописного члена Парижской Академии техничных вынаходох.
В Стебльовцѣ заховала ся хыжа, в котрой бывав Августин Йенковскый, а на сельском теметовѣ и его гроб. Вдякы своей ремеселной наданости доставав зоз газдовства добры грошѣ, котры выхосновав на доброчинность и дары: в Салдобошу прикупив селянам толоку и лѣс, а в Унгварѣ на катедралу закупив и дав змонтовати орлой, котрый фунгуе доднесь.Закарпатський винахідник Авґустин Єнковський.
Жерела и одказы
Ярослав Бланар: Подкарпатськый вынаходник Авґустин Єнковський // Отцюзнина, выпуск №10, октовбер 2018, сс. 21–22. (по русинскы)
Референции
Катеґорія:Вынаходници