Петро Степанов Продан (*3. август 1919, Горбкы, Подкарпатска Русь — †16. новембер 2021, Вучково, Закарпатска область, Украина) — писатель, поет и педагог на Подкарпатской Руси и в Украинѣ.Алмашій, Михайло, с. 221.Хланта І.В. Быв вѣком найстаршым русинскым писательом.М-студіоМ-студіо – новини Закарпаття.
Биография Родина Походить з родины Степана Продана, желѣзничаря, и Марии Сочкы,Губаль, Иван. што мала 12 дѣти, з котрых жити зостали восьмеро, а шестеро выучили ся на высокых школах и стали ся учителями.Микита, Світлана. Школы По народной школѣ в Горбках закончив горожанку в Севлюши (1932) и Хустску русску гимназию (1940). В гимназии быв членом литературного кружка, организованого професором Петром Линтуром, де въедно з ним были Димитрий Вакаров, Иван Чендей, Василий Сочка, Кирил Галас и другы будучы подкарпатскы литераторы. Другым вызнамным его учительом быв професор Андрей Карабелеш. Обое они приспѣли ку тому, же став на свою литературну дорогу. В року 1940 зачав ся учити на филозофской факултѣ Будапештской универзиты, але война и наставшы за нев перемѣны урвали тоту науку. Фах филолога достав на новоотвореной в Ужгородѣ универзитѣ екстерно (1959). Политика По войнѣ в новембрѣ 1944 въедно зо старшым братом Иваном быв выбраный делегатом на «Первый зъѣзд Народных комитетов Закарпатской Украины» и в року 2004 быв за то вызнаменаный орденом За заслугы ІІІ ст. Днесь зоставать найстаршым и едным з двох еще живых участникох того зъѣзда.Полосков А. Учительство В повоенных роках лишив литературну творчость и оддав ся педагогичной роботѣ. Быв учительом русского языка в Хустѣ в середньой школѣ, пак в педагогичном училищу, од септембра 1951 — директор сѣмрочной школы в Синевирской Полянѣ, од септембра 1953 — директор восѣмрочной школы во Вучковѣ незмѣнно аж до одхода на пензию (1984). Педагогичный талант, высокы моралны якости сполчили колектив школы, котра стала ся центром културы цѣлого села. Его педагогична и културницка робота зостала оцѣнена званьом Одличеного працовника освѣты и Заслуженого працовника културы Украины. Доднесь тѣшить ся глубокым честованьом од своих колег, ученикох и людей, котры го познавають.
Литературна творба Первы свои вершы опубликовав еще гимназистом, в часописѣ Юношество (1934), пак в новинках Русская правда, Русское слово, Литературна недѣля, колективных зборниках 12 (1940), Будет день (1941), Литературный альманах (1943), а были перебраны и до часописа Студенческий журнал (Братислава).
Окремов книжков вышла поетична зберка Яблоня (1942).Міжгірська центральна районна бібліотека
В добѣ своей педагогичной роботы перестав з литературнов творчостьов, але информация о нем и укажкы з его творбы появляли ся в зборниках Поэзия Закарпатья 1939–1944 (Пряшов, 1957), Поети Закарпаття (1965), Віщий вогонь (1974), а тыж в новинках Молодь Закарпаття(1991-02-02), Закарпатська Правда (1991-06-15), Карпатський край (1991-07-9), календарях Общества Духновича (1995, 1996).
Уже яко пензиста зась вернув ся ку литературѣ и выдав ряд книжок в Ужгородѣ: Песня жаворонка (2002, передслово И. Губаля) Летним вечером (2003, передслово И. Губаля) Од отчого порога (2006, передслово О. Довганича) Поле (2008, передслово И. Губаля) Дыхание надежды (2014, проза, поезия, спомины, посудкы)Каталог НБУ им. Вернадского: BA786929
Интересны факты Рецепт довголѣтя од Петра Продана: главное — не творити ся на то, што стрясуе сполоченство: митингы под Верховнов Радов и подобне; просто жити, не курити, а пити лем кедь мусай и то лем мало.Продан Ю., Бобинець М.
Жерела и одказы Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с.
Продан Ю., Бобинець М.: Мы многі тягли ся до Росії, не знавучи, што направду там ся робить. //Отцюзнина, №9, юлій, 2018. (Ужгород) Сс. 37–39. Хланта І.В.: Продан Петро Степанович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. Сс. 263–264.
Референции
Катеґорія:Русиньскы писателї Катеґорія:Русиньскы поеты Катеґорія:Русскоязычны писателе Катеґорія:Русиньскы педаґоґы