Николай Нодь (* 1819, Ньирвашвари, Мадярске кральовство – † 11. юн 1862, Вѣдень, Австрийска империя) — грекокатолицкый священик, педагог, хоровый диригент, поет, збератель фолклора.Алмашій, Михайло, Маґочій, Павло Роберт
Биография Походив з родины роботника и скоро став ся сиротом.Ковач, Федір.
Выучив ся на Ужгородской грекокатолицкой духовной семинарии, де его учительом музикы и хорового спѣву быв Константин Матезонскый. По высвячѣню в року 1843 зачав священичу службу в Сигетѣ, де основав церковный хор и русинску школу. По часѣ зостав перемѣщеный до Унгвара, де преподавав на грекокатолицкой духовной семинарии. В року 1849 быв посланый служити до Вѣдня, де была грекокатолицка парохия св. Варвары. Ту служив цѣлый остаток свого живота.
Николай Нодь быв чоловѣк широкого образованя и глубокый патриот. Занимав посты радника конзистории Мукачовской епархии и духовника Вѣденьской духовной семинарии.Недзѣльскій Е., сс. 177–178.
В послѣдных роках свого живота, коли память сполочного австро-российского выступлѣня против мадярской револуции (1848–1849) зачала слабнути, и австрийска влада обернула ся против пророссийскых настройох меджи Русинами, быв Николай Нодь безосновно виноваченый з русофилства. Тото переживав тяжко, здоровля его ся показило, и наслѣдком того передчасно умер.Алмашій, Михайло.
Творба В року 1850 во Вѣдню коштом австрийской влады зачали выдавати перву русинску новинку Вѣстникъ для Русиновъ Австрійской Державы. В новинцѣ писали, главно, галичане, а з подкарпатскых были активны А. Духнович, А. Гомичков, Николай Нодь. Таксамо бере участь Николай Нодь в каждорочных алманахах Поздравленіе Русиновъ.Недзѣльскій Е., сс. 166–167.
В року 1851 во Вѣдню выдав зборник народных спѣванок Русскій соловѣй и курты дѣтскы духовны спѣваночкы Память изъ отпуста добрымъ дѣтямъ. Любив народну спѣванку и сам быв спѣвак, а во своей творчости выхоснововав поетику народного верша.
На властны тексты складовав музику. Меджи найлѣпшыма вершами суть: Май, Кто там клопать, При березѣ, Зимна роса, Стоить улан.
Язык Николая Нодя диалектичный: во вершах, де ся основуе на народной поетицѣ, пише простым народным языком, в иншых припадах, де поважуе тему за серйозну, видиме змаганя ку литературным взорам русской литературы. В тых припадах не вагаючи обертать ся и ку церковнославянскым формам.Мозер, Михаел.
Жерела и одказы Алмашій, Михайло: Нодь Микола. //Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. С. 183. Алмаший М.: Нодь Николай (псевд. Паннониян). //Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 278. Алмашій, Михайло, Маґочій, Павло Роберт: Нодь Микола (Нодь Николай, Nagy Nikolaj). //Енциклопедія історії та культури карпатських русинів. Укладачі Маґочій П.Р., Поп І. — Ужгород: Вид-во В.Падяка, 2010. — 856 c.+ХХХІІ с. Сс. 544–545. Ковач, Федір: Нодь Микола. //Краєзнавчий словник русинів-українців. Пряшівщина. Упорядник Федір Ковач. — Пряшів: СРУСР, 1999. С. 244. Недзѣльскій, Евгеній. Очеркъ карпаторусской литературы. Изданіе Подкарпаторусскаго Народопросвѣтительнаго Союза въ Ужгородѣ. Ужгородъ, 1932.
Референции
Катеґорія:Русиньскы педаґоґы Катеґорія:Русиньскы фолклорісты Катеґорія:Русиньскы поеты Катеґорія:Русиньскы церьковны дїятелї