Святый Штефан Понграц SJ, Štefan Pongrác, Pongrácz István, Pongrácz de Szentmiklós et Óvár (* 1582, Олвинц, Княжество Ардял – † , Кошицѣ, Мадярске кральовство) — быв йезуит священик, мисионер, еден з трьох кошицкых мученикох, въедно з Мелихаром Гродецкым и Марком Крижевскым.Diós, István.PONGRÁCZ SZENT ISTVÁN
Биографичны даты Штефан Понграц родив ся в року 1582. Походив з давного ардялского шляхетного рода Pongrácz de Szentmiklós et Óvár, якый записав ся до мадярской истории еще з XIII. стороча. Учив ся в йезуитском коледжу в Коложварѣ. В року 1602 наперек воли цѣлой фамилии вступив до Товаришства Исусового. Новициат одбывав в Брнѣ, де въедно з ним быв Мелихар Гродецкый. Быв посланый з мисиов до Гуменного, пак, як зачав грозити приход протестантского войска, быв одосланый до Кошиць, де его товаришами стали ся Марко Крижевскый и Мелихар Гродецкый.
Мучеництво 5. септембра 1619 Кошицѣ были добыты гайдуками Габора Бетлена и Дьердя Ракоция, и вшиткы трое католицкы священици были арештованы и мучены. Хотѣли од них, жебы переступили на калвинску вѣру. Коли того не домогли ся, ани грошей не было што з них выдерти, страшно их мучили. Штефана Понграца розобрали, привязали на геренду, калѣчили саблями и пекли факлями. Наконець вергли го до смѣтьовой ямы. Еще цѣлый день конав, а чути было его стоны.
См. тыж Кошицкы мученици Марко Крижевскый Мелихар Гродецкый
Жерела и одказы
Референции
Катеґорія:Христианскы святы Катеґорія:Мисионеры