Юлиан Ревай (родж. Révay Július , Julian Révay ; * 26. юл 1899, Мирча, жупа Унг, Мадярске кральовство — † 30. апрѣль 1979, Ню Йорк, США) — политичный дѣятель украинской ориентации на Подкарпатской Руси периода Чехословакии, педагог, новинарь.
Биография ШколыПоходив з учительской родины. Зачаточну школу выходив в Мирчи, пак продовжив науку во школѣ при Ужгородской учительской семинарии. Учив ся в семинарии (1913–1917) и в марцу 1917 достав диплому учителя. Служив во войску (1917–1918), одкы вернув ся в шаржи сержанта.Федака П. М.
Карьера педагогичнаВ цивилу, розвиваючи свои организачны способности и нахыльность ку велительству и урядницкым функциям, нараз пущать ся в политику. Во Свалявском окрузѣ створюе организацию социал-демократичной партии. Учителюе пару рокы в народных школах Марамороша, але уж неодовго 23-рочный учитель зачаточной школы доставать уряд референта економично-административного реферата министерства школства Чехословакии в Ужгородѣ (1922).Алмашій М.Поп И. Жебы ай формално одповѣдав такому уряду, в року 1925 закончуе шпециалны универзитны педагогичны курзы и доставать диплому фахового учителя горожанскых школ з правом учити руськый язык, историю и географию. Въедно з тым доставать уряды иншпектора (референта) народных школ и неодовго уряд секретаря скушково-квалификачной комисии учительох горожанскых школ. Тоты уряды занимав до року 1935. Окрем того в роках 1925–1935 быв редактором урядного мѣсячника Учитель, приготовив даколько читанок, выданых в розличных роках, напримѣр в державном выдавательствѣ в Братиславѣ (1931, 1937), быв сполуавтором словникох: Русько-мадярська терминологія (1923), Мадярсько-руський словарь (1928).
Карьера политичнаВ року 1935 зоставать выбраный посланцьом чехословацкого парламенту од социал-демократичной партии, присягу склав 18. юна 1935, мандат утратив 20. януара 1939 з причины, же партии на Подкарпатской Руси были роспущены,Jmenný rejstřík и то инициатором того роспуска вшиткых партий а дозволѣня лем «Українського Національного Об'єднання» быв он сам. Занимать ведучы функции во владѣ автономной Подкарпатской Руси, але 16. марца 1939 президент Е. Гаха одстранив го за прогерманску позицию и агитацию. Активно ся ангажуе и мать ведучы политичны позиции в органах Карпатской Украины, в розличных украинскых инштитуциях. По падѣ Карпатской Украины одходить до Братиславы, пак до Пьештян, де до конця року 1944 занимав уряд директора пансионата Лѣчивы купелѣ.
ЕмиграцияВ Словакии по приходѣ Червеной армады быв арештованый и выслухованый, але одпущеный, жебы приспати бдѣйность А. Волошина и его колег, котры были в Празѣ затля недосяжны. Ревай не чекав другый арешт, але утѣк до америцкой окупачной зоны (1945), а пак до США (1948).Вегеш М. М.
В Америцѣ быв политично активный в украинскых емигрантскых организациях, а в року 1964 створив Карпатскый выгледовный центер в Ню Йорку з надѣев привабити русинску емиграцию, але то му не повело ся.
Жерела и одказы Михайло Алмашій: Русинська педагогічна енциклопедія. — Ужгород: Карпатська Вежа, 2005. — 304 с. Сс. 226–227. Вегеш М. М.: Ревай Юліан // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К. : Наук. думка, 2012. — Т. 9 : Прил — С. — С.147. — .
Иван Поп: Ревай Юлиан. //Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. Сс. 320–321. Федака П. М.: Ревай Юліан Іванович. //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О.Д. — Ужгород: «Гражда», 2007 — 400 c. Сс. 269–270.
Референции
Катеґорія:Політіци Катеґорія:Новинаре Катеґорія:Педаґоґы Катеґорія:Посланцьове парламента