Небраска, Nebraska — еден зоз штатох США в централной части США. Вошла до США 1. марца 1867 яко тридцять семый штат.Encyclopaedia Britannica.

Полога

Лежить на западѣ внуторной групы штатох США, в статистицѣ называных Midwestern United States. Граничить зо штатами Миссури на юговостоку, Канзас на югу, Колорадо на югозападѣ, Вайоминг на западѣ, штатом Южна Дакота на сѣверѣ и штатом Айова на востоку. Восточну границю штата творить рѣка Миссури, на котрой находить ся и найвекшый его город Омага.

История

Небраска стала ся штатом в року 1867, а быв то уже 37. штат. Западна часть, прерии, была идеална про скотарство, восточна — про земледѣлство, Индиане были вытѣснены до резерваций, подля Гомстед-акта незаняты землѣ передавали ся практично задарь во властность охотных газдовати. Резултатом было, же до рока 1890 обывательство выростло зоз 120 000 до 1 000 000 особ, а Небраска стала ся вызнамным продуцентом аграрной продукции. Промысел ся вывинув переважно на востоку вздовж Миссури, де Омага, бывшый главный город територии, став ся центром индустрии и пакованя мяса, а главный город штата быв перенесеный до Ланкастера, пременованого на Линколн, на честь забитого президента, инициатора Гомстед-акта. Небраска была безлѣса, але вдякы людскому усилованю мать в сучасности залѣснену територию — The Nebraska National Forest.

Економика

Аграрна выробаГлавна продукция — кендериця, од чого Небраска мать назывку «штат лущилникох кендерицѣ», иншы културы: пшениця, соя, овоча, пасуля, цукрова рѣпа, кромплѣ. Хоть Небраска ведучый аграрный штат США, в той выробѣ занято лем 10% обывательства. ПромыселНайвекшый конарь — продукция потравин. Иншы вывинуты конарѣ: машиновый, хемичный, выроба електричного, електронного и транспортного обладунку. СлужбыАсекурация и финансы, туристика, транспорт.

Интересны факты Небраска единый штат США, котрый мать еднокоморовый парламент выбераный на непартийной основѣ (од року 1937). Небраска в року 1946 стала ся первым штатом, де продукция и дистрибуция електричной енергии, перед тым приватна, перешла цѣлком в державну властность; цѣны на електричну енергию суть меджи найнизшыма в США. Небраска е меджи штатами, де найменшый процент вступившых до професионалных союзох, а закон штату заказуе примушовати до вступу.

Жерела и одказы

Референции

Катеґорія:Штаты США