Евгений Леопольдович Недзѣльскый, , Сумы, Россия – , Прага, Чехословакия — русскый литературознатель, историк Церкви, фолклориста, перекладатель, новинарь, поет.Поп, Иван: Недзельский Евгений ЛеопольдовичS. Nedzelský
Биография В России Закончив гимназию в Сумах (1913), од року 1914 учив ся на историко-филологичной факултѣ Московской универзиты.Ковач Ф.: Недзельський Євген. В року 1917 его штудии перервали ся, в часѣ домовой войны участнив ся на Бѣлом руху в России (1919-1920), по его поражцѣ емигровав з России. На емиграции Од року 1922 оселив ся в Празѣ, закончив филозофску факулту Карловой универзиты (1925) и достав ступѣнь Ph.Dr. (1926). Од року 1927 жив и працовав на Подкарпатской Руси, в Ужгородѣ. Быв библиотекарьом Общества Александра Духновича, сполупрацовав в редакциях русофилскых ужгородскых новинок (Карпатскій свѣтъ, Карпаторусскій голосъ, Русская правда, Русское слово), быв редактором новинкы Русскій народный голосъ (1935–1938). На Подкарпатской Руси зостав и в роках 1939–1944, коли ся она зась вернула под юрисдикцию Мадярщины. По войнѣ, яко бывшый участник Бѣлого руха, перед чеканым арештом од агентох НКВД одышов до Прагы и скрывав ся там аж до часу, коли з Чехословакии были одтягнуты войска СССР. В далшых роках занимав ся перекладами чешскых поетов и писательох до русчины, од року 1957 жив и працовав в Пряшовѣ. Ту быв редактором выдань православного екзархату Московского патриархату.
Творба В русинской културѣНедзѣльскый выдав понад сто штудий о русинской, чешской и словацкой литературѣ. В той тематицѣ его основна робота — Очеркъ карпаторусской литературы (1932).
Найвеце познатый своима роботами о розличных аспектах русинской културы: Угро-русскій театръ (1941) Сучаснѣ руськѣ художники (1942–1943) З уст народу (афоризмы, пословицѣ и их анализа, 1955) Похороны и причитания в Подкарпатью (1955) И. А. Сильвай (обсяжна биография, 1957) Быв упорядником двох литературных алманахох подкарпаторусскых авторох: Накануне (1941) Литературный альманах (1943) Православна и общероссийска тематикаОкрем редигованя православной периодикы приготовив понад 30 книжок на темы Православной Церкви. Рукописы по его смерти достали ся до архива А. Шлепецкого и Московской патриархии. Поезия и перекладыЕго едина зберка оригиналных верши вышла еще в России (Радость и страдание, М., 1915). На емиграции выпустив множество книг, перекладеных з чешского, найважнѣйшы з них суть два выданя книгы Из чешской лирики (1. выданя — Ужгород, 1928; 2., доповнене — Пряшов, 1954); фактично, Недзѣльскый в свой час перекладав ачей вшиткых значных чешскых поетох. Вышли в его перекладѣ окремыма выданями повѣданя Яна Неруды (1930), поема К. Махы Май (1936), Избранные стихотворения Я. Есенского (1953). Множество перекладох и оригиналны верши Недзѣльского роспорошены по периодицѣ. Во Финландии окремым выданьом вышла переписка Недзѣльского зоз С. Я. Ефроном.
Жерела и одказы Ковач Ф.: Недзельський Євген // Сс. 240–241. Маґочій П.Р., Поп І.: Недзельський Євген Леопольдович //Енциклопедія історії та культури карпатських русинів. Укладачі Маґочій П.Р., Поп І. — Ужгород: Вид-во В.Падяка, 2010. — 856 c.+ХХХІІ с. С. 534. S. Nedzelský: Jevgenij Nedzelský, spisovatel Podkarpatské Rusi //Podkarpatská Rus 2/2011 С. 14. Поп, Иван: Недзельский Евгений Леопольдович //Иван Поп: Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 274.
ФОТО (ЛитПричал https://www.litprichal.ru/work/318626/)
Референции
Катеґорія:Русиньскы історіци Катеґорія:Русиньскы фолклорісты