Бѣ́лкы, Білки — мѣстечко в бывшом Иршавском районѣОд року 2020 в Хустском. Закарпатской области Украины, центер сельской рады.
Полога Лежить на правом березѣ Боржавы о 8 км од бывшого районного центра Иршава.Сергій Федака, сс. 21–23.
История Мадярска добаПерва упоминка о селѣ в жерелах датована роком 1245, коли краль Бейла IV. даровав село землепану Карачоньи.
Од зачатку XIX. стороча в селѣ добывають желѣзну руду, вытоплюють желѣзо, фунгуе пила и даколько млинох, выпалюють вапно. Од року 1830 Бѣлкы стають ся великым торговым селом, на тутешны торговицѣ ходили не лем з цѣлого краю, але и з Галичины.
В року 1910 в Бѣлках было 4675 обывательох русинской и нѣмецкой народности, пошта, телеграф, сельска позычкова кооперация и каса самомопомочи.Révai nagy lexikona,том 3, с. 313.
Чехословацка добаВ року 1923 отворена горожанка, а в року 1925 при ньой за кошты Червеного Креста отвореный интернат. В року 1938 до Бѣлок перемѣщена Береговска украинска гимназия.
В року 1930 зоз 5614 обывательох были 4424 Русины, 1068 Евреи, 56 Мадяре, 41 Чехы и Словаци, 1 Нѣмець, 7 иншых народностей и 17 чужоземцьох. Векшина Русинох были православны — 2287 (51,6%), иншы — грекокатолици. Социалну и медицинску помочь подавала станиця Червеного Креста.В Бѣлках быв нотарскый уряд, пошта, телеграф, телефон, жандарска станиця, основна школа русинска (8 клас) и чешска (5 клас), горожанка русинска (4 класы) и чешска (3 класы). Грекокатолицка мурована церква Успѣня Пресвятой Богородицѣ была высвячена в року 1838, деревяна православна церква Святых Петра и Павла — в року 1920.Достал Я., сс. 72–73.
Украинска доба25. октобра 1944 до Бѣлок вступила Червена армада, зачала ся украинска доба истории села, и 126 его обывательох были мобилизованы до совѣтского войска. Панскы землѣ были роздѣлены меджи газдами, але уже 15. марца 1948 быв створеный колгосп и вшиткы подарованы землѣ од них забрали. В року 1966 в Бѣлках отворили ставбарску промысловку, а в року 1967 — промыслову выробу сокох, вин и сливовицѣ. Фунговали два камѣнны ломы, цех на выробу сухых и олейовых фарб.
Днешность Бѣлкы тяжко пережили повѣнѣ в роках 1998, 2001, 2005. В року 2005 епископ Милан Шашик освятив церкву XIX. стороча, котра была реставрована по тому, як в совѣтской добѣ была заперта и хоснована як музей атеизма. В року 2009 отворили памятник Ивану Фирцаку “Кротону”, бѣлецкому родакови.
Вызнамны родаци Иван Фирцак “Кротон” (1899–1970) — силак, циркусовый артиста Юлия Зейкан (1943–2012) — новинарька, писателька Оксана Илницка (*1962), спѣвачка, педагогыня, Заслужена умѣлкыня Украины
Жерела и одказы Révai nagy lexikona. 3. köt. Révai Testvérek Irodalmi Intézet Részvénytársaság, Budapest. 1911. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Федака, Сергій. Населені пункти і райони Закарпаття. Історично-географічний довідник. "Ліра". Ужгород, 2014. Хоменко І. Л.: Білки //Тронько П. и др. (ред.) Історія міст і сіл України. Том 7. Закарпатська область. К. 1969. Сс. 307 – 317.
Референции
Катеґорія:Населены пункты Украины Катеґорія:Населены пункты Закарпатской области